web counter
LEXO PA REKLAMA!

SHKARKO APP

App Store
Google Play

E fundit!

x

Vizita e Ramës në SHBA/ Basha: Ja kënga që do i këndojnë amerikanët

28 Mars 2016, 20:54, Aktualitet CNA

Kreu i Partisë Demokratike, Lulzim Basha është shprehur se vizita e Kryeministrit Edi Rama në Shtetet e Bashkuara të Amerikës do të zhvillohet në kuadër të kriminalizimit të parlamentit dhe administratës publike. Në një intervistë për “Tonigt Ilva Tare”, Basha tha se mesazhi i amerikanëve është artikuluar edhe më herët nga Ambasadori Donald Lu.

“Nëse ju besoni se Edi Rama do të shkojë në Uashington për të marrë bekimin për regjimin oligarkik që po ndërton në Shqipëri besoj që jeni fare e qartë se kjo nuk mund të ndodhë. Në Uashingon ai do të marrë të gjitha mesazhet dhe shqetësimet që i ka marrë dhe këtu nga Donald Lu, që dëgjova unë në takimet e mia në Uashington në Shtëpinë e Bardhë, në Departamentin e Shtetit, në Senatin amerikan, në Kongres. Dhe këto janë mesazhet që, citoj: Është e prapranueshme që personat që duhet të jenë prapa hekurave janë sot në parlament dhe bëjnë sot ligjin në institucionet shqiptare, në doganat shqiptare, në polici. Alkaponet, është një term që u përdor këtu. Nuk më pëlqen të citoj këtu, ka folur dhe më ashpër, ka përmendur Shullazin me emër. Po kështu DASH, PE, OSBE-ODIHR ka folur qartë për vjedhjen dhe shkatërrimin e  zgjedhjeve në Shqipëri në 2015 dhe krijimi i kushteve për zgjedhje të lira dhe të ndershme është një mesazh, një garanci e angazhimit amerikan që unë sjell sot në mënyrë trasnparentë para qytetarëve. Kjo këngë Edi Ramës do ti këndohet fare qartë dhe pa asnjë ekuivokë.Do japë efekt apo jo, është çështje tjetër.” u shpreh Basha në intervistën përballë Ilva Taren.





Lajmet e fundit nga