E fundit!

10:35 Live Updates

Hijet e Erion Veliajt në protestë

Veliaj përmes Arta Dades refuzon “antimiti...

Nga Spartak Ngjela/ Pse nuk hetohet Denoncimi për Paktin Detar

10 Mars 2016, 17:36, Opinione CNA

Ne historinë tonë shtetërore, Pakti Detar me Greqinë, i vitit 2009, është një çeshtje kyç, e cila zbërthen logjikisht të gjithë hapësirën shkatërruese dhe të gjithë aktivitetin destruktiv kundër popullit të vet, që ka ndërmarrë Sali Berisha në 25 vjetët e këngës së tij të mbrapshtë.
Duke e pare me vëmendje, Pakti Detar nuk ka qenë asfare një interes parash, por thjeshtë nje interesi manjakal i Berishës për pushtet. Kjo, sepse, vetëm nëpërmjet këtij Pakti, ministrja e Jashtëme e Greqisë, duke qenë në udhëheqjen e radhës që Greqia kishte në Bashkimin Europian, i dha mundësi Berishës të manipulonte zgjedhjet e vitit 2009.
Historia vjen e na puqet ne shqiptarëve gjithmonë në një pike: cungimi i territorit shqiptar, për të ardhur në pushtet, apo për të mbajtur pushtetin.
Janë Tre Raste flagrante. Rasi i pare, eshte cungimi territorial i East Pashës, në favor të Serbisë. Në varrin e tij në Beograd gjithmonë bëhet pelegrinazh politik.
Rasti i dytë, është rasti i Paktit për Shën Naumin, në Liqenin e Ohrit, i cili duket sikur është një Manastir ortodoks, por që, në fakt, është pika dominuese ku shteti Jugosllav dje, dhe ai i Maqedonisë sot; kanë shtënë në dorë 2/3 e sipërfaqes së Liqenit të Ohrit. Dhe, sërish, ai ishte një pakt për të ardhur në pushtet Ahmet Zogu me falangat serbo-ruse.
Pakti i tretë, ishte Pakti Detar me Greqinë.
Ja, ky është trishtimi i historisë sonë, që gjithmonë fqinjët kanë sjellë maskarenjtë tanë në pushtet, për të na copëtuar.
Akti i Gjykates Kushtetuese të Shqipërisë, që anulloi Paktin Detar, është një vendim i lartë historik për Shqipërinë. Kurse, mos fillimi i çështjes penale për afër dy vjet, kundër Berishës, nga Prokurori i Përgjithshëm, është një akt që, ndërkohë, ka ardhur në fund, sepse tani dihet mendimi i politikës amerikane për atë Pakt.
Tani është sak koha kur, per ne shqiptaret, historia është takuar me faktin historik : Prokurori i Përgjithshëm nuk ka se çfarë të hetojë me: ose do basket me individët e inkriminuar në Paktin Detar, ose do bashkohet me interesin kombëtar dhe me intetesin e popullit qe e paguan dhe i jep favoret e postit që ai mban: shkurt, ose me dinjitetin dhe interesin kombëtar të popullit shqiptar, ose me kundërshtarët e Shqipërisë dhe të popullit shqiptar. Kjo rruga e dytë do të ishte fatale për të…sepse Reforma në Drejtësi nuk e konsideron më Prokurorin e Përgjithshëm si vendimmarrës juridik.
Të shohim. Fakti historik është takuar me historinë tonë antikombëtare te Pakti Detar, Shqipëri – Greqi. Por, këtë herë, ky fakt i zbuluar, ndihmon në të ardhmen historike të Shqipërisë dhe shqiptarëve, dhe jo si deri tani, që ka qenë gjithmonë në humbjen tonë historike.