web counter
LEXO PA REKLAMA!

SHKARKO APP

App Store
Google Play

E fundit!

x

Buxheti 2016/ Arsimi ngel në vend, s’ka rritje pagash për mësuesit dhe pedagogët

25 Nëntor 2015, 07:34, Aktualitet CNA

Buxheti i vitit 2016 për arsimin nuk parashikon asnjë rritje të pagave të mësuesve dhe pedagogëve. Ministrja Lindita Nikolla ishte dje e pranishme në Komisionin e Medias, ku u diskutua buxheti për arsimin. Pyetjes së deputetit të Partisë Demokratike, Myqerem Tafaj, nëse ishte planifikuar rritje pagash, Nikolla iu përgjigj duke drejtuar gishtin e akuzës.

?Nuk di nëse keni pasur të njëjtën ndjeshmëri për pagat e pedagogëve, sepse në 8 vite nuk i rritët asnjëherë pagat e pedagogëve. Pa folur pastaj për mbështetjen ndaj mësuesve. Në fakt, ajo që bëtë ju në 8 vite i konkurruat pedagogët e universiteteve publike me ato piramidat e famshme në të gjithë vendin, 18 institucione të arsimit të lartë privat, ku studentët dhe familjet shqiptare investuan para për të marrë në këmbim diploma që nuk vlenin?, tha Nikolla.

Më tej, ministrja pohoi se shtesa në pagë ishte në vullnetin e Ministrisë së Financës, si edhe në varësi të sistemit të ri që po ndërtohet pas reformës që po ndërmerret në arsim.

?Ministria e Financës ka tagrin e vet, tendenca është për të parashikuar rritje të pagave, por ajo që është e rëndësishme për të shkuar te rritja reale e pagave përmes këtyre mbështetjeve të tjera, që vijnë për shkak të një qasjeje të re, e cila lidhet qoftë me sistemin e punësimit, qoftë edhe kualifikimin e mësuesve?, u shpreh më tej Nikolla.

 





Lajmet e fundit nga