E fundit!

20:10 Kronika

Rreth 4 orë pas aksidentit në Tiranë/ Betonieria ende në vendgjarje

Këtë të mërkurë, rreth orës 16:00, një aksident i rëndë u ...

Ndocaj: Meta të më japë të drejtën që më njeh ligji, Lezha duhet të përfaqësohet nga një deputet në kuvend

20 Shtator 2015, 12:55, Aktualitet CNA

Pretendenti për deputet në Lezhë, Eduart Ndocaj, i është drejtuar me një mesazh kreut të Kuvendit, Ilir Meta.

Ai i ka kërkuar që të ndërhyjë për ta caktuar atë deputet me të drejtën që i njeh ligji.

Shkrimi i plotë.

?Po ndjek me vëmendje proceset dhe çështjet e aktualitetit në Shqipëri.

Ka disa tema që janë emergjente në Shqipëri, por sigurisht ajo më e rëndësishme është dekrimnalizimi i Parlamentit.

Një rol të rëndësishëm në këtë proces thelbësor për politikën shqiptar po luajnë Shtetet e Bashkuara të Amerikës, përmes Ambasadorit Lu, si dhe BE përmes OSBE-së, që për herë të parë në historinë e saj publikon një raport kaq të detajuar për një vend si Shqipëria.

Procesi i dekriminalizimit kërkon një frymë bashkëpunimi nga të gjitha forcat politike në Shqipëri.

Gjithashtu, ky proces shkon paralelisht me reformën në Drejtësi, ku SHBA po bëjnë një asistencë të rëndësishme.

Po ashtu çështja e dekriminalizimit të Parlamentit duhet të shoqërohet edhe me dekriminalizimin e politikës dhe institucioneve e për t?u bërë e mundur kjo duhet të krijohet një paketë e re ligjore që klasifikon konsumimin e veprave penale që ndalojnë kandidimin, apo edhe angazhimin në politikë dhe në institucione.

Mund të bëhen edhe ndryshime Kushtetuese. Për të gjitha këto kërkon komisione bipartizan dhe dëshira e vullneti për të bashkëpunuar.

Megjithatë, se agjenda në Parlament është shumë e ngarkuar, duhet të theksojmë se qytetarët e Qarkut Lezhë vazhdojnë të mos jenë të përfaqësuar në Parlament.

Kjo e drejtë Kushtetuese po mohohet nga burokracitë e institucionit të Parlamentit.

Nuk duhet të harrojmë se sot Lezha ka dy deputetë më pak.

I bëj thirrje institucionit të Parlamentit dhe Kryetarit të Parlamentit të ndjek procedurën e krijimit të vendit vakant dhe të zëvendësimit.

Këto janë procedura të bazuar në Kodin Zgjedhor dhe në Kushtetutë. Lezhjanë nuk mund të vazhdojnë të jenë të përjashtuar nga përfaqësimi në Parlament.

I bëj thirrje Kryetarit të Parlamentit të mos tentojë të bëj politikë apo të mbaj inate politike, por të zbatojë ligjin dhe procedurat ligjore për rastin e zëvendësimit të vendeve vakant.

Mendoj, se në këto momente të rëndësishme e të vështira të parlamentarizmit të Shqipërisë është në të mirë të Kryetarit të Parlamentit dhe Demokracisë nxitja dhe realizimi i zëvendësimit të mandateve të Qarkut Lezhë. Eduart Ndocaj?, përfundon shkrimi.