web counter
LEXO PA REKLAMA!

SHKARKO APP

App Store
Google Play

E fundit!

x

Vjedhje me tenderat ne OSHEE

30 Gusht 2015, 17:58, Aktualitet CNA

Batërdi, vjedhje dhe papërgjegjshmëri e frikshme me paratë e shqiptarëve në OSHEE. Paratë e mbledhura me forcë policore dhe herë me faturime abuzive, po bëhen rrush e kumbulla. Miliona euro po shpërdorohen, duke shkuar për shpenzime fiktive, si për imazh, rikonstruktime zyrash, për SMS, internet, makina, roje dhe lloj-lloj marrëzish.

Në zyrat e OSHEE qendrore në Tiranë, si dhe në degët e saj në qarqe zhvillohen disa tenderë çdo ditë.   Vetëm gjatë muajit korrik dhe gjatë muajit gusht janë zhvilluar mbi 110 tenderë. Në vend që këto para të shkojnë për investime në rrjetin e degraduar, apo të ulet çmimi i energjisë elektrike, miliona euro po shpërdorohen për shpenzime që nuk ekzistojnë.

Nga një monitorim i të gjithë tenderëve të hapur vetëm në muajt gusht dhe korrik në të gjitha zyrat e OSHEE në Tiranë dhe rrethe, rezulton se përveç shpenzimeve për materiale elektrike dhe produkte të tjera të nevojshme, janë hapur tenderë me vlera të mëdha, kryesisht për ndryshim imazhi, lobingje, kancelari, printime, riparime dhe rikonstruksione.

Tenderi më qesharak dhe abuziv është ai për ndryshimin e imazhit të kompanisë, me një vlerë rreth 340 milionë lekë. Po ashtu është hapur një tender tjetër me vlerë rreth 80 milionë lekë, vetëm për promovimin e kompanisë dhe sensibilizimin e qytetarëve duke trokitur derë më derë.

Printimet dhe mbikëqyrjet

Një numër i lartë i taksapaguesve shqiptarë dhe abonentëve të OSHEE do të shkojnë për kancelari, printime dhe për materiale të ndryshme. Jo se një gjë e tillë nuk është normale, por bëhet fjalë për tenderë me vlerë qindra milionë lekë. ?Printimi dhe Zarfimi në versionin Self Mailer i faturës të OSHEE, 58,800,000 lekë; Shërbimi i internetit dhe i telefonisë fikse, me afat 12 muaj nga data e nënshkrimit të kontratës, me një vlerë prej 14,988,800 lekë pa TVSH; Shërbimi i dërgimit të SMS në numrat e celularëve të abonentëve?, me afat 12 muaj nga data e nënshkrimit të kontratës, me një vlerë prej 3,896,000, vënë në dispozicion nga të ardhurat e OSHEE sh.a.; Shërbimi i printimit, me afat 12 muaj nga data e nënshkrimit të kontratës, me një vlerë prej 42,124,000 lekë pa TVSH, vënë në dispozicion nga të ardhurat e OSHEE sh.a?, janë disa prej tenderëve të hapur përgjatë korrikut dhe gushtit. Në zyrat e OSHEE në rrethe vihet re se një numër i madh i tenderëve janë hapur për mbikëqyrje punimesh apo për ruajtje të godinave të saj. Vetëm për mbikëqyrje punimesh tenderët kapin vlera 30-40 milionë lekë.

Ndërkohë që shifrat më të mëdha shkojnë për rikonstruktim dhe hapje godinash e zyrash të reja. ?Rikonstruksion i zyrave te OSHEE Vlorë, 12.415.728 lekë, pa TVSH, të ardhurat e vetë të OSHEE sh.a; Ndërtim dhe rikonstruksion të zyrave të administratës të OSHEE sh.a, 475,867,096 lekë pa TVSH?, janë disa prej tenderëve të tjerë të hapur nga Operatori i Shpërndarjes së Energjisë Elektrike. Po ashtu janë dhe një sërë tenderësh të tjerë që kapin shifra jo pak të ulta. Në Korçë dhe në Berat janë hapur me dhjetëra tenderë për investime në rrjet dhe riparime. Po ashtu miliona e miliona lekë priten të shpenzohen për materiale pune, pajisje dhe produkte të tjera të rëndësishme.

Plot 56 milionë lekë të vjetra do të shpenzohen nga operatori i Shpërndarjes së Energjisë Elektrike vetëm për pastrimin e godinave të saj.   Tenderi është hapur në datën 7 korrik, ndërsa të dhënat janë bërë publike nga vetë Agjencia e Prokurimit Publik. ?Lloji i Procedurës se prokurimit : Negocim, Pa shpallje paraprake të njoftimit. Objekti i kontratës: ?Shërbimin e pastrimit të ambienteve të OSHEE-se? për një afat 3 mujor. Fondi limit: 5,660,951 lekë pa TVSH, vënë në dispozicion nga të ardhurat e OSHEE SH.A. Vlera totale e kontratës: 5,535,599.9 lekë pa TVSH. Data e lidhjes se kontratës: 10/07/2015?, janë disa të dhëna të tenderit. Ndërsa një tjetër tender që ka hapur dhe debate është ai për trajnimin e punonjësve me një vlerë rreth 700 milionë lekë. Edhe pse shumë kompani bëjnë trajnime për punonjësit, shifra u konsiderua tepër e lartë, duke sjellë dhe akuza politike.





Lajmet e fundit nga