web counter
LEXO PA REKLAMA!

SHKARKO APP

App Store
Google Play

Projekti për Parkun e Liqenit, ambientalistët dhe arkitektët kundër qeverisë

12 Korrik 2015, 06:56, Aktualitet CNA

Ambientalistë dhe arkitektë kanë dalë kundër qeverisë për projektin e prezantuar javën që kaloi për hyrjen e Parkut të Liqenit. Javën e kaluar, kryeministri Edi Rama prezantoi 9 projekte të studiove arkitekturore, vendase dhe të huaja, për hyrjen e Parkut të Liqenit. Ky vendim nuk është përshëndetur nga ambientalistët, shoqëria civile dhe qytetarët e Tiranës, të cilët kanë protestuar kundër betonizimit të kësaj zone të Tiranës.   Në një prononcim për gazetën ?Sot?, ambientalisti Sazan Guri deklaroi se është e papranueshme ndërhyrja tek Parku i Liqenit. ?Është e papranueshme ndërhyrja barbare tek Liqeni, projektet i hapin rrugë ndërtimeve pa masë, janë presion i madh ndaj parkut. Ne kemi bërë një protestë dhe do të vazhdojmë të kundërshtojmë vendimin e qeverisë për të ndërhyrë në atë zonë?, tha Guri. Ai u shpreh se projektet moderne të prezantuara nga qeveria nuk janë në harmoni me arkitekturën përreth zonës. Guri tha se hyrja e Parkut të Liqenit ka ndërtesa historike, monumentale dhe kurrsesi nuk mund t?i mbivendoset një ndërtese të stilit modern.

?Vendimi kundërshtohet sepse kërkon të bëjë diçka moderne mbi një tjetër shumë historike, shumë monumentale, gjëra të cilat nuk shkojnë dhe nuk kanë asnjë lidhje me njëra-tjetrën. Pjesa qendrore e Tiranës, është pjesë historike, tradicionale, asaj nuk mund t?i mbivendosësh asgjë tjetër sado e mirë që të jetë ajo nga pikëpamja arkitekturore. Në këtë prizëm, që nuk mund të ngrihen dot kërpudha atje. E dyta, nuk është funksionale. E treta pse ne kundërshtojmë vendimin, është dendësia që krijohet në atë zonë. Nëse duan të bëjnë projekte, le t?i bëjnë në zona të tjetra të Tiranës, siç është Paskuqani, Kombinati, Lapraka etj?, u shpreh ambientalisti Guri, teksa shtoi se do vijojnë protestat.





Lajmet e fundit nga