E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Fatos Hoxha: PD drejt shpërbërjes, shkarkimet kamuflim i dyshes Berisha-Basha për t’i ikur fajit së humbjes

11 Korrik 2015, 13:29, Aktualitet CNA

Ish-deputeti demokrat, Fatos Hoxha, një prej zërave më kritikë të së djathtës shqiptare, ka komentuar rezultatin e Partisë Demokratike në zgjedhjet e 21 Qershorit dhe shkarkimet në masë në strukturat e forcës më të madhe politike në opozitë. Fatos Hoxha ia faturon fajin e humbjes së PD në zgjedhjet lokale dy liderëve, Berisha-Basha, ndërsa shkarkimet në strukturat e PD në rrethe, i cilëson një taktikë të dyshes në fjalë për të kamufluar arsyet e vërteta të humbjes. Ish-deputeti demokrat jep alarmin se PD do të shkojë drejt shpërbërjes, deri në rithemelimin e saj, nëse Berisha dhe Basha nuk mbajnë përgjegjësitë e humbjes që u takon dhe nëse do të vijohet me të njëjtin program dhe stil qeverisjeje. ?Humbja është historike. I tillë është faji dhe përgjegjësia e liderëve ndaj demokratëve. E tillë duhet të jetë forca dhe dëshira për t?u ringritur. Ndaj, unë do të ftoja publikisht liderët dhe zëdhënësit e tyre që është koha të tregojnë burrëri, të tregojnë përgjegjshmëri. Është koha të nxjerrin dhe të mbajnë përgjegjësi. Nëse nuk bëhen këto, është detyrë e përgjegjësi imediate e çdo demokrati, e çdo të zgjedhuri në forumet e PD të bëjnë thirrje dhe të kërkojnë shpërndarjen e kësaj force dhe pas kësaj të fillojnë rithemelimin e saj?, deklaroi Fatos Hoxha. Ish-deputeti demokrat u shpreh se PD i duhet një analizë e thellë e humbjes përpara se të shkohet në shkarkime. Ai paralajmëroi se, nëse nuk ka një analizë të thellë të shkaqeve të humbjes, PD nuk do të ringrihet. ?PD dhe institucionet e saj përpara se të fillonin shkarkimet duhet t?i ishin nënshtruar një analize të thellë për të nxjerrë shkaqet reale të humbjes. Shkarkimet në bazë nuk janë asgjë tjetër veçse një tentativë e liderëve për të fshehur, maskuar, kamufluar arsyet e vërteta të humbjes së zgjedhjeve lokale. Është e njëjta mënyrë sipas së cilës u veprua dhe pas humbjes së zgjedhjeve politike të vitit 2013, çka kisha paralajmëruar unë dhe jo vetëm unë, që mos kryerja e një analize të thellë detyrimisht do të sillte një rezultat të tillë katastrofike të këtyre zgjedhjeve?, u shpreh Hoxha.

Humbja e zgjedhjeve

Fatos Hoxha, duke komentuar humbjen e PD, tha se kjo forcë politike u fut në zgjedhje me të njëjtën ofertë si në 2013, ndërsa elektorati vendosi të mos e votojë duke mbrojtur demokracinë nga ?horrat?, siç ai e quan. ?Në këndvështrimin tim, PD këto zgjedhje i humbi për shkak të arrogancës, largimit nga realiteti dhe mënyra e trajtimit të elektoratit. Elektorati përsëri në këtë rast tregoi se ai di të përdorë instrumentet që i ka dhënë në dorë demokracia për t?u mbrojtur nga ?horrat?. PD në këto zgjedhje u fut me të njëjtin mentalitet, stil dhe platformë, me të njëjtën ofertë fyese si në zgjedhjet e vitit 2013?, u shpreh Hoxha. Ai tha se liderët e PD kandiduan kriminelë, ndërsa populli e ndëshkoi me votë. ?Sigurisht që do të merrte të njëjtën përgjigje nga populli. Populli nuk përtypi dot platformën antikrim të fushatës, jo se është tolerant ndaj krimit, por sepse ajo platformë ishte përpunuar dhe po artikulohej nga autorët e kriminalizimit të politikës, të cilët dhe në këto zgjedhje nuk hoqën dorë nga aleanca me krimin dhe kandidimi i kontigjentit kriminal. Mbi të gjitha shqiptarët ndëshkuan hipokrizinë e lidershipit të PD me këtë platformë. Shqiptarët nuk dolën kundër mesazhit por kundër mesazherit?, u shpreh Hoxha.

Drejtimi i PD

Ish-deputeti demokrat, Fatos Hoxha, ka renditur një tjetër shkak pse PD po shkon drejt humbjes së njëpasnjëshme dhe shpërbërjes. Hoxha deklaroi se të djathtën shqiptare e drejton ai që ia la shtetin oligarkisë dhe krimit, ndërsa sot cakton, drejton dhe përpunon platforma. ?Lidershipi i PD artikuloi në këto zgjedhje luftën kundër oligarkisë, kur i madh dhe i vogël në Shqipëri e di skllavërimin e PD nga oligarkia. PD ra nga pushteti për shkak se shtetin qeveria e saj, ja nënshtroi oligarkisë dhe krimit, dhe autorit të këtij akti të pashembullt tradhtie politike, nuk i hyri gjemb në këmbë. Përkundrazi, vazhdon dhe drejton fijet e politikës së djathtë, vazhdon dhe na cakton përfaqësuesit, vazhdon dhe na përpunon platformat?, deklaroi Hoxha.