web counter
LEXO PA REKLAMA!

SHKARKO APP

App Store
Google Play

E fundit!

x

Tërhiqet Rama pas presionit amerikan, ligj për përjashtimin e deputetëve

20 Qershor 2015, 07:06, Aktualitet CNA

Shtetet e Bashkuara të Amerikës dhe Bashkimi Evropian duket se po e fitojnë betejën me politikën e Tiranës, për ndarjen dhe çlirimin e Parlamentit Shqiptar, politikës, administratës dhe shtetit në tërësi nga bota e krimit dhe e mafies. Ka mjaftuar një presion disamujor, i pazakontë deri në kërcënime, i Uashingtonit dhe Brukselit, që klasa politike e Tiranës t?i hapë rrugë largimit të kriminelëve nga administrata, Parlamenti dhe qeverisja vendore.

Pas ndërhyrjes së fortë të ndërkombëtarëve, sidomos të amerikanëve, mazhoranca qeverisëse po harton një draft të ri për dekriminalizimin e shtetit shqiptar në tërësi. Drafti në fjalë do të jetë pjesë e reformës në drejtësi, e cila pritet të miratohet në vjeshtën e këtij viti. Në këto kushte, shumica në pushtet, duket se e ka hedhur përfundimisht poshtë draftin e propozuar nga Taulant Balla në Kuvend, draft i cili parashikonte vetëm dekriminalizimin e pushtetit vendor, duke përjashtuar nga ky proces deputetët, gjyqtarët, prokurorët, drejtorët, diplomatët etj. Ndërsa çështja e kandidatëve të inkriminuar ka dominuar këtë fushatë zgjedhore, duke u kthyer në mollë sherri mes shumicës në pushtet dhe ndërkombëtarëve, kryeministri Edi Rama ka zbuluar dje planin e tij për dekriminalizimin.





Lajmet e fundit nga