web counter
LEXO PA REKLAMA!

SHKARKO APP

App Store
Google Play

PD marreveshje me PBDNJ, mbeshtetje reciproke per kandidatet ne Sarande dhe Finiq

19 Qershor 2015, 13:46, Aktualitet CNA

Takimet e minutes se fundit mes eksponenteve te larte te partise Demokratike dhe atyre te PBDNJ-se kane sjelle kompromisin pas dorëheqjes së kandidatit të PD në Finiq, për arsye familjare siç ka bërë të ditur ai.  PDBNJ e Vangjel Dules ka reaguar me një deklaratë për shtyp ku thuhet se PBDNJ mbështetjen e saj do t’ia japë një tjetër kandidati të PD, kësaj here në Sarandë, Kreshnik Bozhos. Në Finiq, PBDNJ kandidon Jani Babin. Duket se pas kësaj, PD do të mbështesë këtë kandidat në Finiq. Kjo është edhe arsyeja përse PDBNJ shpreh mbështetjen për kandidatin e PD në Sarandë.

Dy dite para zgjedhjeve duket se është lidhur një marrëveshje e heshtur mes Partisë Demokratike dhe Partisë Bashkimi për të Drejtat e Njeriut. Kjo të paktën ka vlerë për disa bashki në jug të vendit, ku influenca e deputetit Koço Kokëdhima është shumë e madhe.

Duket se PD i hap rrugë Dules në Finiq, në këmbim të mbështetjes së tij një bashki më të madhe si e Sarandës.  Nuk dihet nëse PD i japë mbështetje kandidatit të Dules në Himarë, Fredi Beleri. Nga ana tjetër Dule ka dalë në mbështetje edhe të kandidatit të PD-së në Gjirokastër, Igli Kokalari. Një natë më parë ai është takuar më përfaqësues të PD-së në Gjirokastër dhe me vetë kandidatin e opozitës. Këto lëvizje të kreut të PBDNJ tregojnë një përshkallëzim të qasjes së tij ndaj mazhorancës. Ai nuk hyri në koalicion me Ramën dhe më pas u dorëhoq nga posti i nënkryetarit të Kuvendit, pas zgjedhjes së Idrizit në po të njëjtën detyrë.

 





Lajmet e fundit nga