web counter
LEXO PA REKLAMA!

SHKARKO APP

App Store
Google Play

E fundit!

x

Dështon konferenca rajonale në Tiranë, krerët e shteteve braktisin aktivitetin e Ramës

27 Maj 2015, 07:13, Aktualitet CNA

Shqipëria, në harkun kohor prej dy vitesh, duket se ka humbur tashmë rolin e saj si faktor përbashkimi, paqeje dhe stabiliteti në Ballkan. Samiti rajonal treditor në Tiranë, nën kryesimin e autoriteteve shqiptare, ka dështuar në mënyrë të trishtë. Lëkundja e marrëdhënieve me Maqedoninë, Greqinë dhe Serbinë, janë reflektuar në punimet treditore të samitit rajonal në Tiranë, duke e kthyer këtë samit në një format të gjymtuar dhe pa vlerë.

Nëntë kryetarë shtetesh dhe 11 kryetarë qeverish të vendeve të Evropës Juglindore kanë braktisur dhe bojkotuar samitin e kryesuar nga qeveria shqiptare, për Procesin e Bashkëpunimit të Evropës Juglindore. Në ditën e tretë dhe të fundit të samitit për bashkëpunimin mes vendeve të Evropës Juglindore, pritej që të merrnin pjesë presidentët dhe kryeministrat nga Sarajeva, Sofia, Athina, Prishtina, Zagrebi, Podgorica, Shkupi, Kisinau, Bukureshti, Beogradi, Lubjana, Ankaraja dhe vetë Tirana. Në aktivitetin e kryeministrit Edi Rama dhe të Presidentit Bujar Nishani, vetëm Bullgaria, Moldavia dhe Kosova u përfaqësuan nga krerët e shteteve. Sa i takon krerëve të qeverisë, vetëm Rumania u përfaqësua me kryeministrin, ndërsa 11 kryeministra të tjerë kanë braktisur aktivitetin e kryeministrit Edi Rama.

Edhe vetë ky i fundit, i informuar për pjesëmarrjen, nuk ka marrë pjesë në dy ditët e fundit të samitit. Ndërkaq, nëse vendet e tjera thjeshtë nuk janë përfaqësuar në samit me kryeministra dhe kryetar shtetesh, Maqedonia dhe Greqia, kanë zgjedhur të sfidojnë Tiranën zyrtare, duke përfaqësuar në samit në rang zëvendësministrash të Jashtëm, zyrtarësh të nivelit të dytë dhe të tretë. Përfaqësimi i sfidues dhe zhvlerësues i Maqedonisë dhe Greqisë është pasqyrim i raporteve të ndera me Tiranën zyrtare. Gjithsesi, pavarësisht pjesëmarrjes, kryefjala e samitit ishte situata në Maqedoni, ku të gjithë pjesëmarrësit artikuluan thirrje për ta zhveshur ngjarjen nga motivet etnike.

Apeli i presidentit bullgar 

Presidenti bullgar, Rosen Plevneliev, u është përgjigjur dje nga Tirana akuzave të Rusisë, se Bullgaria dhe Shqipëria po tentojnë ndarjen territoriale të Maqedonisë. Gjatë samitit, Plevneliev deklaroi se absolutisht nuk synohet ndryshimi i kufijve në Ballkan. ?Bullgaria do të punojë për një deklaratë për të rikonfirmuar parimin e moscënimit të kufijve kombëtarë. Ne nuk duam që të ketë luftëra në Ballkan, por duam paqe dhe stabilitet. Ne nuk duam që kufijtë të lëvizen më, por duam që këto kufij të mos jenë më të dukshëm?, deklaroi Rosen Plevneliev.

Nishani për Kumanovën

Në mbyllje të samitit të SEECP, Presidenti Bujar Nishani është ndalur tek situata në Kumanovë, ku e ka cilësuar si një ngjarje të rëndë dhe që duhet të hetohet. Ndër të tjera kreu i shtetit shqiptar e quajti atë si një ngjarje aspak etnike, por u shpreh se po tentohet të cilësohet si e tillë. ?Bëj thirrje për frenimin e menjëhershëm të përpjekjeve për ta shndërruar këtë episode të paqartë, gjithsesi të izoluar në një burim konflikti të paqenë  ndëretnik dhe në vend të saj përqendrimin e energjive në zgjidhjen e të gjitha çështjeve mes palëve me dialog përfshi dhe zbatimin pa ekuivok të Marrëveshjes së Ohrit?, është shprehur Nishani.





Lajmet e fundit nga