E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Shqipëria me çmimin më të lartë të karburantit në rajon

14 Maj 2015, 06:18, Ekonomi CNA

Ndërkohë që Shqipëria mban rekord si një ndër vendet me çmimet më të larta të karburanteve në rajon, Ministria e Financave ka vendosur të bllokojë çdo mënyrë që qytetarët kanë mundur të gjejnë për t?u lehtësuar sadopak nga barra e rëndë e faturës së qarkullimit me mjetet e tyre. Kështu, të gjithë ata qytetarë, veçanërisht ata që banojnë pranë zonave kufitare me Kosovën, Malin e Zi apo Maqedoninë, të cilët deri më tani furnizonin automjetet e tyre me karburant në këto shtete fqinje për shkak të çmimit më të lirë, nuk do të mund ta bëjnë më një gjë të tillë, për shkak të urdhrit të lëshuar së fundmi nga ministri i Financave, Shkëlqim Cani.

Ministri i Financave ka firmosur së fundmi urdhrin nr 36, datë 12.05. 2015 lidhur me kufizimin e sasive të karburantit që gjendet në serbatorët e zakonshëm dhe depozitat e posaçme të automjeteve tregtare dhe në serbatorët e lëvizshëm të automjeteve private. Sipas këtij urdhri të kreut të Financave shqiptare, që mbështetet në Kodin Doganor Vendimin e Këshillit të Ministrave ?Për miratimin e dispozitave zbatuese të ligjit nr 102/2014 ?Kodi Doganor i Republikës së Shqipërisë?, i ndryshuar, do të përjashtohet nga detyrimet e importit, karburanti që mbajnë serbatorët e zakonshëm dhe depozitat e posaçme të automjeteve tregtare, vetëm për sasinë deri në 200 litra për automjet dhe për çdo udhëtim.

Po sipas këtij urdhri, duke filluar nga data 12.05.2015 është i përjashtuar nga detyrimet e importit, karburanti që mbajnë serbatorët e zakonshëm dhe depozitat e posaçme të automjeteve tregtare që kryejnë transport ndërkombëtar nëpër zonën e tyre kufitare me thellësi maksimale prej 15 km në vijë ajrore, me kusht që udhëtimet të kryhen nga banues të zonës kufitare, vetëm për sasinë deri në 150 litra për automjet dhe për çdo udhëtim. Urdhri i ministrit Cani saktëson se nuk lejohet përjashtim nga detyrimet e importit për karburantin që mbahet në serbatorë të lëvizshëm, që transportohet nga automjete private dhe motoçikleta që i përkasin banuesve të zonës kufitare.

Ministria e Financave sqaroi dje se të gjithë poseduesit e mjeteve që lëvizin për qëllime pune e biznesi dhe që importojnë karburant me mjetet e tyre, sipas përcaktimeve të bëra në këtë urdhër se, në rast të konstatimit nga administrata doganore të tejkalimit të sasive të karburantit, sipas përcaktimeve të mësipërme, ndaj subjektit/ individit zbatohen të gjitha detyrimet e importit, sipas nivelit tarifor të zbatueshëm në datën kur ndodh mosrespektimi, llojit të mallrave dhe vlerës doganore të konstatuar ose pranuar prej autoriteteve doganore kompetente në atë datë. Drejtoria e Përgjithshme e Doganave, nëpërmjet strukturave të saj, është ngarkuar nga Ministri i Financave për zbatimin e këtij urdhri. Çmimet e naftës dhe benzinës në rajon Rënia e çmimit në naftës në tregjet ndërkombëtare, fillimisht u reflektua në një farë mënyre edhe te ne. Por, pavarësisht kësaj, në rajon çmimet e naftës dhe derivateve të saj, nuk janë të njëjta. Teksa krahason çmimet e naftës gjatë ditëve të fundit në Kosovë dhe në disa vende të rajonit si Mali i Zi dhe Maqedonia, vëren se Shqipëria ka çmimet më të larta. Nga ky krahasim del që në Kosovë, çmimet e naftës dhe të benzinës janë më të ulëtat në rajon, duke përjashtuar këtu vetëm Maqedoninë për naftën, ka çmim më të ulët se sa në Kosovë, ndërsa benzina atje tregtohet me çmim më të lartë. Ndërsa, Shqipëria i prin listës në anën tjetër.

Nafta dhe benzina këtu kanë çmimet më të larta në rajon. Kështu, në Kosovë nafta kushton afro 1.07 euro; benzina 1.08 euro. Në Shqipëri, nafta kushton 175 lekë ose 1.25 euro, ndërsa benzina 182 lekë ose me 1.30 euro. Ndërsa në Maqedoni, nafta mësohet se kushton 54.50 denar ose 0.88 euro, ndërsa benzina 69 denar ose 1.12 euro. Sa i përket Malit të Zi, nafta këtu kushton 1.15 euro/litri, ndërsa benzina 1.27 euro/litri.