web counter
LEXO PA REKLAMA!

SHKARKO APP

E fundit!

x

MF sqaron ndryshimin për kasat fiskale të karburanteve

13 Maj 2015, 14:55, Ekonomi CNA

Ministria e Financave ka paralajmëruar të interesuarit për ndryshimin që Këshilli i Ministrave miratoi për kasat fiskale, në të cilin u hoq rasti i prishjes së pompave të karburanteve dhe shitja për 3 tre ditë pa lëshimin e kuponave fiskalë.

Më parë, grosistëve dhe shitësve me pakicë i jepej një afat 3-ditor që të shisnin karburant pa lëshuar kupon tatimor, në rast se i prishej kasa. Pas tre ditësh, me rregullimin e kasës, duhet të hidheshin të dhënat në sistem. Në rast se difekti nuk rregullohej brenda tre ditësh, ndalohej shitja e karburantit.
?Kjo dispozitë është keqpërdorur dhe abuzuar nga grosistët, të cilët shisnin shpesh 3 ditë pa lëshuar kupon, nën justifikimin e prishjes së kasës?, thuhet në njoftimin e ministrisë.

Shpesh here, sipsa ministrisë, pajisjet fiskale prisheshin qëllimisht nga subjektet apo teknikët e autorizuar për të tregtuar pa kupon tatimor dhe pa matur sasinë e tregtuar gjatë kohës prej 72 orë.
Me këtë ndryshim tashmë nuk mund të tregtohet karburant pa kupon tatimor dhe procesi i tregtimit të lëngut duhet të ndërpritet kur pajisja nuk funksionon.





Lajmet e fundit nga