E fundit!

16:41 Aktualitet

Marshim dhe thirrje kundër qeverisë/ Mbahet sot protesta e 45-të në Tiranë

Ditën e sotme mbahet protesta e 45-të qytetare kundër qeve...

Marrëveshja KESH-OSHEE për tepricat e prillit, shtim likuiditeti 3 milion euro

12 Prill 2015, 17:05, Aktualitet CNA

Marrëveshja për shitblerjen direkte të tepricave të energjisë mes Korporatës Elektroenergjitike Shqiptare dhe Operatorit të Shpërndarjes së Energjisë Elektrike duke shmangur tregtarët, pritet të sjellë efektin e dytë pozitiv për sektorin energjitik.

Shirat e ditëve të fundit i kanë krijuar mundësinë KESH-it që të mund të mbulojë jo vetëm kërkesën e OSHEE-së për klientët tariforë por edhe mbulimin e humbjeve në rrjet të cilat shpërndarja do duhet ti blinte prej importit.

Burimet sqarojnë se Korporata Elektroenergjitike do ti japë OSHEE-së 116,000 MWh në total ose thënë ndryshe 5520 MWh/ditë për 21 ditët e muajit prill. Energji e cila shkon për mbulimin e humbjeve në rrjet nga Operatori i Shpërndarjes.

Për shkak të marrëveshjes direkte dhe nxjerrjes jashtë loje të tregtarëve, OSHEE e merr energjinë për këto ditë të prillit me rreth 15 EUR/MWh më lirë nga importi. Ndërkaq, KESH do ja shesë energjinë OSHEE-së rreth 6 EUR/MWh më shtrenjtë se sa do jua shiste tregtarëve të energjisë përmes eksportit.

Thënë ndryshe, OSHEE do të mund të ulë shpenzimet e saja për blerje energjie me rreth 2.4 milion EUR ndërsa KESH-i do të ketë rreth 700,000 EUR më shumë të ardhura. Efekti neto i agreguar shkon në rreth 3 milion EUR të cilat janë para shtim likuiditeti në sektorin energjitik në tërësi. Në rast të mungesës së marrëveshjes për shitblerjen direkte të tepricave nga KESH drejt OSHEE, këto para do të mungonin në sistem dhe do përfitoheshin prej tregtarëve të energjisë.

Prilli është muaji i dytë i zbatimit të marrëveshjes konkretisht ndërsa në muajin mars efekti ishte gjithashtu rreth 3.2 milion EUR shtim likuiditeti.

Rritja e arkëtimeve, ulja e humbjeve dhe të ardhurat shtesë nga optimizimi i shitblerjeve mes KESH dhe OSHEE kanë çuar në rritjen e likuiditeteve në sektor. Në këtë formë është bërë e mundur që të paguhet 70% e borxhit të prapambetur ndaj prodhuesve të vegjël të energjisë ndërsa është siguruar pagesa e faturave korente të energjisë për vitin 2015 për këto hidrocentrale private.