web counter
LEXO PA REKLAMA!

SHKARKO APP

App Store
Google Play

E fundit!

x

Studimi/Prindërit nënvlerësojnë obezitetin e fëmijëve të tyre

30 Mars 2015, 14:00, Aktualitet CNA

Prindërit e dallojnë shumë rrallë obezitetin e fëmijëve të tyre, e në këtë mënyrë përftojnë si rezultat pasoja dëmtuese për shëndetin, paralajmërojnë mjekët.

Në një studim që përfshiu 2976 familje në Britaninë e madhe, vetëm katër prindër thanë se mendonin që fëmija e tyre ishte shumë mbipeshë, por vlerësimet mjekësore të fëmijëve konstatuan se 369 prej tyre ishin obezë.

Kërkuesit që ndërmorrën studimin, në një artikull në British Journal of General Practice, thonë se obeziteti është shndërruar tashmë në një standard normal të shoqërisë.
Ekspertët thanë se studimi tregoi madhësinë e frikshme të epidemisë së obezitetit.
Rreth një në pesë fëmijë në vitin e gjashtë të jetës është obez dhe 14 për qind të tjerë janë mbipeshë, tregon programi Kombëtar i Matjes së Fëmijëve.

Ndërkaq, studimi ngre një shqetësim tjetër të madh, atë që prindërit nënvlerësojnë peshën e fëmijëve të tyre.
?Prindërit modernë nuk janë të vetëdijshëm se fëmijët e tyre janë obezë?, thuhet në studim.

?Por, nëse ata nuk vetëdijësohen se e kanë fëmijën obez, ata nuk kanë shanse që të bëjnë diçka për të ndihmuar fëmijën drejt një diete më të shëndetshme?, thuhet në studim.





Lajmet e fundit nga