E fundit!

20:10 Kronika

Rreth 4 orë pas aksidentit në Tiranë/ Betonieria ende në vendgjarje

Këtë të mërkurë, rreth orës 16:00, një aksident i rëndë u ...

Përdorimi i vazhdueshëm i kontraceptivëve nxit kancerin

13 Mars 2015, 22:45, Lifestyle CNA

Është vërtetuar së fundmi se kanceri i gjirit shfaqet më shpesh te femrat që përdorin vazhdimisht hapa kontraceptive, obezet, te ato që nuk kanë një aktivitet fizik, që përdorin shumë pajisjet elektronike, janë të stresuara, që konsumojnë shumë produkte të gatshme dhe tek ato të cilat bëjnë shumë grafi, tomografi apo mamografi.

Një në tetë femra mbart rrezikun e kancerit të gjirit. Në të kundërt të asaj që dihet, rreziku i prekjes nga kanceri i gjirit te personat me prirje gjenetike është më i vogël. Kanceri mund të nxitet nga faktorët e mësipërm. Por disa nga faktorët e tjerë rrezikues janë dhe deodorantët me alumin, tenxheret teflon, mbushja me amalgamë dhe produktet kozmetike jonatyrale.

Ja çfarë këshillojnë specialistët për rëndësinë e diagnostikimit të hershëm:

Bëjini vetes kontroll një herë në javë. Për të kontrolluar gjirin e djathtë vendoseni dorën e djathtë pas qafës dhe me dorën e majtë kontrolloni pjesën rreth gjirit dhe nën sqetulla. Nëse vini re ndonjë masë apo kokërr të fortë kontaktoni menjëherë mjekun. Nëse jeni 20-40 vjeç kontrollohuni një herë në dy vjet dhe nëse jeni mbi 40 vjeç kontrolloni gjirin një herë në vit te mjeku specialist.

Konsumoni më pak produktet shtazore dhe ato me yndyrë dhe më shumë frutat e zarzavatet. Preferoni produktet apo gjellën e gatuar në shtëpi në vend të produkteve të gatshme.

Qëndroni larg duhanit.

Ecni çdo ditë jo më pak se gjysmë ore. Bëni një jetë aktive me plot aktivitete fizike.

Forconi sistemin tuaj imunitar duke marrë rreth 1000mg vitaminë C, sepse kanceri është një sëmundje e cila dobëson sistemin imunitar. Mos harroni se edhe alergjia, viruset, parazitët, infeksionet dhe stresi e dobësojnë sistemin tuaj mbrojtës.

Indeksi juaj trupor nuk duhet të kalojë 25. Kërkoni mbështetjen e një specialisti nëse ju duhet të dobësoheni.

Përpiquni të qëndroni sa më larg ndotësisë elektromagnetike. Kufizoni përdorimin e televizorit; në rast mospërdorimi hiqeni nga priza. Përdoreni sa më pak mikrovalën dhe makinën tharëse të flokëve.