web counter
LEXO PA REKLAMA!

SHKARKO APP

App Store
Google Play

Java e Modës në Paris

13 Mars 2015, 18:00, Lifestyle CNA

Në Javën e Modës në Paris përjetimi i dizajneve më prestigjioze ka tejkaluar formatin tradicional të pasarelës. Të mërkurën, shfaqja e Karl Lagerfeld ngriti standardin, u bë një ambient luksi, ku modelet sfilonin e prapa tyre gjendej një bar i madh ku shërbehej kafe, krem e kroasant. Ishte si në teatër. E gjithë java kishte qenë e tillë, shkruan New York Times, secila shfaqje më e veçantë se tjetra.

Julie de Libran në firmën Sonia Rykiel paraqiti koleksionin e saj në një hapësirë të imagjinuar si një librari me 50 mijë libra. Maria Grazia Chiuri dhe Pierpaolo Piccioli të firmës Valentino, paraqitën koleksionin në një tendë në Tuileries, në fund të së cilës parakaluan Ben Stiller dhe Owen Wilson, si reklamë për filmin ?Zoolander?.

Lagerfeld si duket e ka kuptuar nevojën për kontekst në një sfiladë. Në të kaluarën ai ka prezantuar në galeri arti, supermarket dhe një ambient të imagjinuar nën ujë.

Por përse kaq shumë mund për një shfaqje që zgjat 20 minuta, pas të cilës rrobat shkojnë nëpër dyqane dhe vendosen në rafte midis raftesh, pa ndonjë kontekst për ata që i blejnë. Si duket, ka të bëjë me manipulimin, një përpjekje për të ndikuar mënyrën se si shikuesi përjeton rrobat. Gjithashtu ka të bëjë me komunikimin: një përpjekje e stilistit për të thënë atë që ka ndërmend.





Lajmet e fundit nga