web counter
LEXO PA REKLAMA!

SHKARKO APP

App Store
Google Play

PD/Gent Strazimiri: Koço Kokëdhima shkeli 150 herë Kushtetutën

27 Shkurt 2015, 16:50, Politikë CNA

Deputeti i Partisë Demokratike gjatë deklaratës së sotme akuzoi Deputetin e Partisë Demokratike se ka shkelur Kushtetutën dhe se ai ka konflikt interesi.

Ja deklarata e tij e plotë:

?Neni 70 i Kushtetutës qartësisht e detyron deputetin Koço Kokëdhima që të zgjedhë midis mandatit të deputetit apo aksionerit të kompanive që përfitojnë fondet publike, duke i konsideruar të dy funksionet si të papajtueshme me njëra-tjetrën. Pika 3 e këtij neni, shprehimisht thotë ?deputetët nuk mund të kryejnë asnjë veprimtari fitimprurëse që buron nga pasuria e shtetit ose e pushtetit vendor, dhe as të fitojnë pasuri prej tyre?. Koço Kokëdhima për 6 muaj nga data e betimit si deputet ka mbajtur të gjitha aksionet e ndërmarrjes së tij duke përfituar 150 herë fonde publike.

Kontrata më e rëndësishme në Republikës së Shqipërisë, është Kushtetuta, prej së cilës rrjedhin ca kontrata të tjera, të shkruara në ligje specifike.

Deputeti Koco Kokëdhima, në vetëm 6 muaj, e ka shkelur 150 herë Kushtetutën, mbi, dhe në emër të së cilës, është betuar formalisht për të respektuar edhe ligjet që rrjedhin prej saj. Koco Kokëdhima, që prej ditës që është mandatuar si deputet duhej të kishte hequr dorë nga aksionet e tij në kompaninë private. Pra Kushtetuta e detyronte të mos përfitonte më asnjë qindarkë. Koço Kokëdhima Kokëdhima ia ka dalë disa herë ti shpëtojë ndëshkimit të ligjit, dhe ai është një shkelës i përsëritur, me ndërtimin e sarajeve 20 metra larg detit, e me disa ndërtime të tjera në Tiranë. Por kësaj radhe, ai ka guxuar shumë duke u tallur me Kushtetutën e vendit?. Ai e mbyll deklaratën e tij duke i bërë thirrje kryetarit të Kuvendit që të trajtojë kërkesën e Partisë Demokratike për dërgimin e çështjes në Gjykatën Kushtetutëse, për mbarimin e mandatit të deputetit Kokëdhima., duke shtuar më pas dhe një ?këshillë ironike?: ?Sugjeroju ?juristëve? të tu, të lexojnë Vendimin e Gjykatës Kushtetuese për rastin ?Beqja?, gjithashtu mik i Ramës, shkelës vetëm në një rast i ligjit, dmth të paktën 149 herë më pak se ti?.





Lajmet e fundit nga