web counter
LEXO PA REKLAMA!

SHKARKO APP

App Store
Google Play

E fundit!

x

Mbesa e Fatos Nanos dhe njerëzit e Berishës kapin Ministrinë e Arsimit

27 Shkurt 2015, 12:53, Politikë CNA

 

Merr përmasa të tjera skandali i Ministrisë së Arsimit me monopolin e doktoraturave në Shqipëri. Siç dihet tashmë, MAS me anë të një vendimi arbitrar dhe klientelist ka bllokuar doktoraturat për universitetet publike, ndërsa ka miratuar 360 kuota për Universitetin Evropian të Tiranës, të Henri Çilit, universitet që nuk plotëson asnjë kriter apo standard. Por, kush janë aktorët dhe orkestruesit e kësaj maskarade në arsim? Ato janë: ministrja e Arsimit, Lindita Nikolla; drejtoresha e Arsimit të Lartë në Ministrinë e Arsimit, Lindita Pustina dhe drejtoresha e Agjencisë Publike të Akreditimit të Arsimit të Lartë, Dhurata Bozo.

Ministria e Arsimit dhe arsimi i lartë në Shqipëri sot është në dorën e njerëzve të Sali Berishës, mbesave të Fatos Nanos dhe punonjësve të Henri Çilit. Lindita Pustina njihet si mbesa e Fatos Nanos dhe vijon të drejtojë drejtorinë më të rëndësishme në Ministrinë e Arsimit për të favorizuar piramidën arsimore të Henri Çilit. Nuk ka rotacion politik në Ministrinë e Arsimit. Kjo ministri kontrollohet dhe diktohet nga njerëzit e Berishës, Nanos dhe Henri Çilit. Pustina, së bashku me Dhurata Bozon, e cila njihet për lidhje të shumëfishta me PD, kanë bllokuar studimet e ciklit të tretë në universitetet shtetërore dhe kanë goditur çdo universitet privat, për t?i dhënë Henri Çilit monopolin e doktoraturave në Shqipëri. Ky skandal nuk mund të konsumohej kurrsesi pa miratimin e ministres së Arsimit, Lindita Nikolla dhe pa heshtjen e kryeministrit.





Lajmet e fundit nga