E fundit!

19:39 Aktualitet

"Rama jepe dorëheqjen"/ Diaspora proteston në Bruksel

Diaspora po zhvillon sot një protestë përballë godinës së ...

Arrestohen 2 doganierë dhe 3 policë në pikën kufitare të Goricës, për kontrabandë mallrash

28 Prill 2014, 22:00, Aktualitet CNA

Ditën e djeshme, rreth orës 19:30, nga ana e Seksionit të Hetimit dhe Analizës së Rriskut në Drejtorinë Rajonale për Kufirin dhe Migracionin Korçë, mbi bazën e informacioneve të marra në rrugë operative, në fshatin Zvezdë të rrethit Korçë, në aksin rrugor që vjen nga Pika e Kalimit Kufitar Goricë, u bë kapja dhe arrestimi në flagrancë i shtetasve të dyshuar: Nalton Vasil Moni, 37 vjeç dhe Gezim Haki Gega, 46 vjeç të dy banues në fshatin Pojan Korçë. Arretimi i tyre u bë pasi këta shtetas ishin duke udhëtuar me automjetin tip Mercdes Benz me targë CA7441PT, ku në pjesën e pasme të këtij mjeti u konstatuan një sasi mallrash si më poshtë:

1- 160 shishe plastike verë e kuqe me sasi secila 2 litra.

2- 160 shishe plastike Uthull me sasi 2 litra.

3- 40 shishe plastike Coca-Cola të zezë me sasi 2 litra.

4- 5 kuti kartoni me produkte mishi me peshë të përgjithshme 58 kg.

Në lidhje me këtë sasi malli këta shtetas kanë deklaruar se nuk kanë asnjë faturë për shoqërim apo ndonjë dokument zhdoganimi malli. Nga verfikimet e kryera nga ana e poicisë në sistemin ?Tims? rezultoi se këta shtetas kanë hyrë në Shqipëri nëpërmjet Pikës së Kalimit Kufitar Goricë po me datë 28.04.2014 në orën 18:52. Materialet në ngarkim për dy shtetasit e dyshuar ju referuan Prokurorisë për veprën penale ?Kontrabanda me mallra që paguhet akzizë? dhe ?Kontrabanda me mallra të tjera? e kryer në bashkëpunim.

Gjithashtu nga hetimet e kryera u bë kapja dhe arrestimi në flagrancë i shtetasve: Altin Muarem Cenolli, 42 vjeç, banues në Korçë, (më detyrë doganier) në Pikën e Kalimit Kufitar Goricë, dhe Niko Postol Vurmo, 43 vjeç, banues në Korçë, (me detyrë doganier) si dhe policët Pirro Pendo, Gazmor Bregu dhe Dëfrim Agastra. Arrestimi i tyre u bë pasi këta shtetas dyshohen për veprën penale ?Kontrabanda nga punonjës që lidhen me veprimtarinë doganore?. Ndërkohë vazhdon puna për dokumentimin e plotë të kësaj ngjarjeje.