Matador Network: Pse Shqipëria është në radarët e gjithnjë e më shumë udhëtarëve

13 Dhjetor 2025, 11:02, Trending CNA

Matador Network: Pse Shqipëria është në radarët e

Shqipëria po shndërrohet në një nga destinacionet turistike më të kërkuara në Europë, sipas një vlerësimi të publikuar nga Matador Nework, i cili e rendit vendin tonë si zgjedhjen kryesore mes lexuesve për udhëtimin e radhës.

Sipas të dhënave zyrtare, Shqipëria priti rreth 11.7 milionë vizitorë të huaj në vitin 2024, me një rritje prej 15% krahasuar me një vit më parë. Deri në tetor 2025, flukset turistike shënuan një rritje tjetër prej 6.7%, pothuajse dyfish më shumë se niveli i vitit 2019, në një vend me më pak se 3 milionë banorë.

Megjithëse numrat janë në rritje, Shqipëria mbetet ende një destinacion relativisht i pashkelur për udhëtarët nga Amerika e Veriut, pasi shumica e vizitorëve aktualë janë nga rajoni. Pikërisht kjo e bën vendin edhe më tërheqës për turistët që kërkojnë alternativa ndaj destinacioneve të mbingarkuara si Franca, Italia, Greqia apo Kroacia.

Matador Network: Pse Shqipëria është në radarët e

Ekspertët e udhëtimeve theksojnë se diversiteti natyror është një nga pikat më të forta të Shqipërisë: bregdetet e Adriatikut dhe Jonit, Alpet Shqiptare, liqenet dhe qytetet historike janë të gjitha të arritshme brenda një dite udhëtimi. Rritja e linjave ajrore drejt Aeroportit Ndërkombëtar të Tiranës dhe çmimet ende të përballueshme e forcojnë më tej pozicionin e vendit si destinacion konkurrues.

Riviera Shqiptare, veçanërisht segmenti mes Vlorës dhe Sarandës, po përjeton një bum turistik, ndërsa qytete si Berati dhe Gjirokastra, pjesë e Trashëgimisë Botërore të UNESCO-s, vazhdojnë të tërheqin vizitorë për trashëgiminë kulturore dhe arkitekturore.

Matador Network: Pse Shqipëria është në radarët e

Sipas vlerësimeve, pranvera dhe fillimi i vjeshtës janë periudhat më të përshtatshme për të vizituar Shqipërinë, për shkak të klimës së butë dhe shmangies së mbingarkesës turistike. Me investime në rritje dhe interes ndërkombëtar gjithnjë e më të madh, Shqipëria pritet të jetë një nga historitë më të forta të suksesit turistik në Europë gjatë viteve të ardhshme./ CNA

Përshtatur nga CNA. Marrë nga Matador Network