web counter
LEXO PA REKLAMA!

SHKARKO APP

App Store
Google Play

E fundit!

x

ZYRTARE/ Iliria surprizon me trajnerin e ri, mësoni timonierin

4 Janar 2026, 12:47, Sport CNA

ZYRTARE/ Iliria surprizon me trajnerin e ri, mësoni timonierin

Klubi i Ilirisë ka mbyllur procesin e përzgjedhjes së trajnerit të ri për pjesën e dytë të sezonit në Kategorinë e Parë, duke zgjidhur dilemat në lidhje me drejtimin e pankinës së skuadrës së Fushë-Krujës.

Pas largimit të teknikut Dritan Ismajli, drejtuesit kanë vendosur t’ia besojnë ekipin një emri të ri, me synimin për të stabilizuar situatën sportive dhe për të përmbushur objektivat e sezonit.

Matias Tatanxhelo është prezantuar zyrtarisht si trajneri i ri i Ilirisë.

Tekniku italo-argjentinas merr drejtimin e skuadrës në një moment të rëndësishëm të kampionatit, ku prioritet mbetet sigurimi i mbijetesës në Kategorinë e Parë, por njëkohësisht edhe afrimi me zonën e ekipeve që luftojnë për ngjitjen në elitë.

Emërimi i tij është bërë publik përmes një njoftimi zyrtar të klubit, ku theksohen objektivat e qarta për vazhdimin e sezonit.

Në komunikimin e saj, Iliria ka konfirmuar besimin ndaj trajnerit të ri, duke i uruar mirëseardhjen dhe sukses në krye të skuadrës bardheblu.

Ky vendim vjen në kuadër të një riorganizimi teknik, me shpresën se ndryshimi në pankinë do të sjellë rezultate pozitive në javët në vijim.

Sa i përket karrierës së tij, Tatanxhelo ka eksperiencë në kampionatin shqiptar. Gjatë vitit të fundit ai ka drejtuar në dy etapa të ndryshme skuadrën e Shirokës, ndërsa për disa muaj ka qenë edhe trajner i Apolonisë, gjithashtu në Kategorinë e Parë, në fundin e sezonit 2024–2025.

Kjo përvojë pritet ta ndihmojë në përshtatjen e shpejtë me realitetin e ri dhe me kërkesat e klubit të Ilirisë.





Lajmet e fundit nga