web counter
LEXO PA REKLAMA!

SHKARKO APP

App Store
Google Play

E fundit!

x

ZYRTARE/ Humbja në derbi sjell pasoja, largohet drejtori sportiv i Partizanit

4 Tetor 2025, 13:46, Sport CNA

ZYRTARE/ Humbja në derbi sjell pasoja, largohet drejtori sportiv i

Arbër Abilaliaj ka dhënë dorëheqjen nga detyra e drejtorit sportiv të Partizanit, pas humbjes 3-0 në derbin ndaj Tiranës.

Vendimi i tij lidhet me përgjegjësinë për ndërtimin e skuadrës gjatë merkatos së verës, e cila nuk dha rezultatet e pritshme.

Dorëheqja u komunikua nga vetë Abilaliaj përmes një postimi në rrjetet sociale, ku falënderoi klubin, lojtarët, stafin dhe tifozët.

Ai theksoi se ka dhënë gjithçka për ngjyrat e kuqe dhe se Partizani ka qenë për të më shumë se një vend pune. Abilaliaj u emërua drejtor sportiv në korrik 2023 dhe shpesh ka mbuluar edhe rolin e trajnerit në periudha tranzicioni.

Pas mbi dy vitesh në këtë post, 39-vjeçari e mbyll bashkëpunimin me klubin. Vendimi i tij pritet të sjellë ndryshime të tjera në strukturën e Partizanit.

POSTIMI:

Faleminderit Partizani!

Sot mbyllet një kapitull shumë i rëndësishëm i jetës sime profesionale.

Pas disa vitesh plot emocione, sfida, përgjegjësi dhe momente që s’harrohen kurrë, kam vendosur të largohem nga detyra e drejtorit sportiv të Partizanit.

Ky klub nuk ka qenë kurrë për mua thjesht një vend pune, por një shtëpi, një ndjenjë që më ka shoqëruar dhe formuar, një pjesë e identitetit tim.

Kam dhënë gjithçka që kam pasur, me pasion, përkushtim dhe dashuri të vërtetë për këto ngjyra.

Falenderoj lojtarët me të cilët kam ndarë çdo ditë, stafin teknik, bashkëpunëtorët e klubit dhe mbi të gjitha tifozët e Partizanit, që janë zemra e këtij ekipi. Pa ju, asgjë nuk do kishte kuptim.

Çdo rrugëtim ka fundin e vet, por kujtimet dhe ndjesitë që më ka dhënë Partizani do të mbeten gjithmonë brenda meje.

Faleminderit për gjithçka.

Një herë i kuq, gjithmonë i kuq.





Lajmet e fundit nga