web counter
LEXO PA REKLAMA!

SHKARKO APP

App Store
Google Play

E fundit!

x

“Zien” merkato! Muçi drejt Premier League, Benfica kërkon Shpendin

25 Janar 2025, 21:06, Sport CNA

“Zien” merkato! Muçi drejt Premier League, Benfica

Cristian Shpendi dhe Ernest Muçi janë dy emra që po tërheqin vëmendjen e klubeve të mëdha në tregun e transferimeve. Shpendi është një nga lojtarët më të përfolur në Serinë B të Italisë, ku ka spikatur me aftësitë e tij për të shënuar gola dhe për të ndihmuar ekipin e Cesena-s, ku ka arritur të shënojë edhe 10 gola.

Megjithëse pak kohë më parë ai nënshkroi një kontratë të re me italianët, që e lidh me ekipin deri në vitin 2028, e ardhmja e tij duket e pasigurt. Me interesime që vijnë nga Seria A dhe klube të tjera europiane, Shpendi është shndërruar në një emër shumë të përfolur. Një nga skuadrat që ka shfaqur interes konkret është gjiganti portugez Benfica. Sipas gazetës portugeze “A Bola”, Benfica është duke planifikuar ta afrojë Shpendin në merkaton e dimrit. Ky transferim do të përbënte një hap të madh për sulmuesin shqiptar, i cili do të kishte mundësinë të luante në një kampionat të rëndësishëm dhe të bashkohej me një tjetër shqiptar në ekip, mbrojtësin Adrian Bajrami.

Cesena, ka vendosur një çmim të lartë për sulmuesin 19-vjeçar, duke kërkuar të paktën 15 milionë euro për kartonin e tij. Mbetet për t’u parë nëse Benfica do të jetë e gatshme të përmbushë këtë kërkesë apo nëse ndonjë tjetër klub do të arrijë të mposhtë konkurrencën për të nënshkruar me talentin e ri shqiptar.

Ernest Muçi vazhdon të jetë gjithashtu i përfolur në merkato. 23-vjeçari, i cili aktualisht luan për Beshiktash në Turqi, është në “radarin” e West Ham, një nga skuadrat e njohura të Premier Ligës. Londinezët kanë shfaqur interes të përsëritur për fantazistin shqiptar dhe po shqyrtojnë mundësinë për ta transferuar atë gjatë merkatos së dimrit. Aftësitë teknike të Muçit, vizioni i tij në lojë dhe fleksibiliteti për të luajtur në disa pozicione sulmuese janë cilësi që kanë tërhequr vëmendjen e drejtuesve të West Ham.

Vlera aktuale e Muçit, e cila është rreth 12 milionë euro, duket një shifër e arsyeshme për një klub të Premier Ligës, ku të ardhurat nga të drejtat televizive dhe burime të tjera financiare janë të mëdha. Përveçse një hap i madh në karrierën e tij, transferimi te West Ham do të sillte një tjetër shqiptar në një nga ligat më të forta të botës, duke shtuar numrin e lojtarëve që përfaqësojnë Shqipërinë në nivelet më të larta të futbollit europian.





Lajmet e fundit nga