web counter
LEXO PA REKLAMA!

SHKARKO APP

App Store
Google Play

Uzuni largohet me polemika: Humba Europianin për këtë fanellë

24 Janar 2025, 18:42, Sport CNA

Uzuni largohet me polemika: Humba Europianin për këtë

Myrto Uzuni është larguar zyrtarisht nga Granada. Në një postim me polemika, sulmuesi nuk kursehet as ndaj drejtuesve, duke thënë se shpreson të shihen një ditë, kur ata të largohen.

Uzuni shkruan se humbi Europianin për fanellën e Granadës, duke thënë se ka luajtur edhe i dëmtuar.

Baratasi do të vazhdojë karrierën në MLS amerikane, te skuadra e Austin.

“Të dashur tifozë të Granada! Sot them lamtumirë. Momenti erdhi me lot në sy pas tre vitesh të paharrueshme. Falënderoj shokët e mi të skuadrës, trajnerët dhe punëtorët e klubit. Vajzat e kuzhinës. Njerëz që punojnë shumë dhe nuk dalin në televizion për të ndarë momentet e triumfit dhe humbjes që më shënuan përgjithmonë.

Erdha në vitin 2022, përjetuam një rënie që më bëri më të fortë dhe në 2023 arrita versionin tim më të mirë, duke fituar trofeun e golashënuesit me 23 gola dhe titullin kampion. Në vitin 2024, edhe pse shënova 11 gola, nuk mjaftuan për të shpëtuar ekipin. Kam luajtur i dëmtuar me gjilpëra në çdo ndeshje. Dhe kam humbur Euro 2024 pasi e ndjeja peshën e mbështetjes suaj dhe kam dhënë gjithçka për këtë fanellë.

Sot duhet të marr një vendim të vështirë për familjen time. Largohem me krenari nga ky klub, duke qenë golashënuesi më i mirë i huaj në historinë e tij (49 gola, 8 asistime në 106 ndeshje). Nuk do ta harroj kurrë mbështetjen tuaj, veçanërisht atë të Curva Sur.

Shpresoj që kjo të jetë një “shihemi më vonë” dhe jo një lamtumirë përfundimtare. Deri në momentin kur këta njerëz të mos jenë më në klub. Granada e meriton të jetë gjithmonë në La Liga. Zemra ime do të jetë gjithmonë bardhëkuqe. Të dua, Granada ime. Gjithmonë ushtari yt, Myrto Uzuni”, shkruan sulmuesi.





Lajmet e fundit nga