web counter
LEXO PA REKLAMA!

SHKARKO APP

App Store
Google Play

VIDEO/ Dueli me Viniciusin, Ivan Balliu zbulon “trukun” si e ndali brazilianin: E kapa pak nga veshi

8 Nëntor 2022, 12:44, Sport CNA

VIDEO/ Dueli me Viniciusin, Ivan Balliu zbulon “trukun” si e ndali

Rajo Vajekano bëri surprizën e javës së 13-të në La Liga, pasi skuadra ku luan edhe mbrojtësi i Kombëtares shqiptare, Ivan Balliu, ia doli të mposhtte 3-2 Real Madridin.

Shumë u përfol edhe për performancën e Balliut. Mbrojtësi shqiptar shkëlqeu dhe njëkohësisht ishte protagonist i disa dueleve me Viniciusin. Të gjithë kërkonin kartonin e kuq për Balliun, por nuk mendonte kështu gjyqtari i sfidës.

Pas këtij 3-pikëshi dhe peformance për t’u mbajtur mend, ka folur edhe vetë Balliu, i cili ka treguar edhe “trukun” se si ia doli të ndalte Viniciusin.

“Djalit i thashë sot në mëngjes që fituam sepse dje ishte në gjumë, është vetëm 4 vjeç. Kur shkon ora 9 bie në gjumë. Kur nuk është ky orar kaq i vonë, zakonisht vjen në stadium. Polemikat me Viniciusin? Po, është e vërtetë që e godita atë, e kapa pak nga veshi, por e ekzagjeruan shumë. Nuk ka asnjë qëllim për t’i shkaktuar një dëmtim apo të kishte teprim në ndërhyrjen time.

Kam marrë shumë mesazhe, por kjo situatë nuk kishte të bënte me kartonin e kuq. U përpoqa ta ndaloja në mënyrë të tillë Viniciusin pasi duhet të shikosh për truke të tilla apo për futboll tjetër. Ai donte të ishte i fortë, të kishte territorin e tij dhe gjithashtu kishte në kokë se doli lista e Brazilit për në Botëror dhe gjithçka shkoi mirë për të”, tha Balliu.





Lajmet e fundit nga