web counter
LEXO PA REKLAMA!

SHKARKO APP

App Store
Google Play

E fundit!

x

Kërkohet zëvendësuesi i Rejës, ish-trajneri i Milanit në radarët e Kombëtares

8 Nëntor 2022, 11:20, Sport CNA

Kërkohet zëvendësuesi i Rejës, ish-trajneri i Milanit

Kombëtarja shqiptare do të luajë ditën e nesërme miqësoren me Katarin në Spanjë, një takim i cili do të shikojë “produktin” vendas, por çështja që vazhdon e përflitet prej kohës te kampin kuqezi është e ardhmja e Edy Rejës, me  këtë të fundit që ka hyrë në muajin e fundit të kontratës.

Rinovimi i italianit me Kombëtaren nuk është i sigurt dhe me shumë gjasa nuk do të ndodhë, por presidenti i FSHF-së, Armando Duka, nuk e ka konfirmuar asnjëherë qëndrimin e italianit apo lamtumirën e tij.

Një gjë është e sigurtë pas përfundimit të kontratës palët do të ulen të diskutojnë mes tyre, me rinovimin që gjithsesi duket i largët. Prej disa javësh është përfolur se FSHF-po shqyrton alternativa të ndryshme për të marrë çelësat e Kombëtares.

Pas Luigi di Biagio dhe Giancarlo Camolese një tjetër emër ka dalë në skenë. Bëhet fjalë për ish-teknikun e Milanit, Marco Giampaolo. Ky i fundit është një dëshirë e vetë Dukës dhe tashmë ndodhet në “pole-position” për të marrë frenat e djemve shqiptarë.

55-vjeçari gjithashtu është përfolur edhe pas largimit të De Biasit, por atëhere u preferua Panuçi, tashmë duket se të gjithë “kushtet” janë pjekur dhe Giampaolos t’i besohet fati i Kombëtares.





Lajmet e fundit nga