E fundit!

10:25 Aktualitet

Paketa e Maleve/ Rama u përgjigjet sharësve në rrjetet sociale

Kryeministri Edi Rama ka folur për Paketën e Maleve dhe ak...

“Unë do të godisja nga ana ku u hodh portieri…”, Dibala: Një zë më foli te penalltia

22 Dhjetor 2022, 16:43, Sport CNA

“Unë do të godisja nga ana ku u hodh portieri…”,

Paulo Dibala nuk pati një Botëror prej protagonisti, edhe pse fakti që ishte i pranishëm në skuadrën që udhëtoi drejt Katarit ishte tashmë një mrekulli për dëmtimin që sulmuesi pësoi vetëm një muaj para nisjes së kompeticionit.

Kjo nuk e pengoi ama 29- vjeçarin e Romës që të vendoste emrin e tij në suksesin e Argjentinës, pasi ishte një prej katër lojtarëve që shënuan penalltitë vendimtare në finale ndaj Francës, edhe pse ishte ndoshta ekzekutuesi më i keq i saj. Në një intervistë për kanalin argjentinas “Tyc Sports”, Dibala tregoi një prapaskenë mbi penalltitë dhe përjetimet e tij si kampion bote.

PENALLTIA – “Kur trajneri më thirri për t’u futur në lojë, sigurisht që e dija që ishte për penalltitë, sepse ishin minutat e fundit të lojës. Atëherë e dija se duhet të ishte momenti që duhet të isha gjakftohtë më shumë se kurrë. Nuk ishte e lehtë, sepse nuk të ndodh çdo ditë të luash në finalen e Kupës së Botës. Rruga drejt pikës së bardhë m’u duk shumë e gjatë, ndërsa Koman para meje kishte gabuar. Para se të nisesha Martinez u afrua për të këshilluar të godisja në mes të portës, sepse Loris hidhej gjithmonë në krah. Ndryshova mendje në minutën e fundit dhe falë Zotit e dëgjova, sepse Loris u hodh pikërisht në krahun që unë kisha vendosur të godisja”.

PËRJETIMET – “Realizimi i asaj penalltie ishte një ndjenjë e veçantë, por më pas ai triumf ishte i jashtëzakonshëm, një ndjesi e pabesueshme, të cilën nuk e di nëse ndonjëri prej nesh do ta përjetojë më. Nuk arrij dot ta përshkruaj me fjalë gëzimin dhe lumturinë. U jemi me të vërtetë mirënjohës të gjithë njerëzve pasi e dimë se kanë vuajtur bashkë me ne dhe tani na takon të argëtohemi. Ka qenë finalja më e bukur e të gjitha Botëroreve. Jam i lodhur, por shumë i lumtur dhe tani do ta gëzoj triumfin në vendlindje me njerëzit e mi”