web counter
LEXO PA REKLAMA!

SHKARKO APP

App Store
Google Play

E fundit!

x

Fitorja në derbi, presidenti Demi: Unë e fitova titullin. Tani e ka në dorë Kolela

22 Dhjetor 2022, 13:08, Sport CNA

Fitorja në derbi, presidenti Demi: Unë e fitova titullin. Kolela, trajner i stadit të lartë

Presidenti i Partizanit, Gazment Demi, është shfaqur shumë i lumtur, pas fitores që skuadra e tij regjistroi në derbin ndaj Tiranës.

Në prononcimin e dhënë për mediat, Demi tha se Partizani gjithmonë synon titullin kampion, ndërsa shtoi se ai vetë e ka fituar atë për këtë sezon, referuar stadiumit të ri.

Demi nuk i kurseu edhe superlativat për trajnerin Kolela, për të cilin tha se është i stadit të lartë.

"Mendoj se skuadra zhvilloi një lojë të mirë. Pas golit e menaxhuam shumë mirë rezultatin deri në fund për të mbërritur te fitorja.

Po është e vërtetë. E fituam këtë të shtatën, por para këtyre ndeshjeve ju të gjithë e dini se kush ka qenë fitues në epokën “Demi”.

Ju e dini të gjithë, Partizani në çdo sezon futet për të fituar titullin kampion. Kështu që po, e kishim pritur.

Po, e uroj Kolelën, po ecën mirë. Është një trajner i një stadi shumë të lartë, sepse po e mban ekipin në krye, por edhe po e ndihmon Partizanin me angazhimin dhe rritjen e djemve të rinj.

Unë titullin tim e kam realizuar, tjetrin e ka në dorë Kolela me lojtarët dhe gjithë pjesën tjetër që punon me skuadrën. Shpresojmë që shumë shpejt të ndërtojmë edhe fushat dhe ta mbarojmë kompleksin", u shpreh Demi.





Lajmet e fundit nga