web counter
LEXO PA REKLAMA!

SHKARKO APP

E fundit!

x

UEFA mban seminar me arbitrat shqiptarë në Tiranë për sistemin VAR

1 Nëntor 2024, 15:45, Sport CNA
UEFA mban seminar me arbitrat shqiptarë në Tiranë për
Seminar, FSHF

Sektori i Arbitrimit në FSHF zhvilloi një seminar dyditor me të gjithë arbitrat e Kategorisë Superiore dhe arbitrat e Kategorisë së Parë për sistemin VAR.

Në seminarin e zhvilluar në “Shtëpinë e Futbollit” mori pjesë edhe instruktori i UEFA-s, Pavel Gil, i cili prezantoi përpara arbitrave të gjitha risitë e sistemit VAR.

Qëllimi i seminarit dyditor ishte përditësimi i arbitrave me instruksionet e reja që përdor UEFA në të gjitha ndeshjet dhe interpretimi i njëjtë në të gjitha federatat. Këto instruksione lidhen me:

Nivelin e ndërhyrjes së sistemit VAR për rastet e faulleve në zonë (rastet për penallti)

Momentet e tërheqjeve/mbajtjeve në zonë

Situatat e pozicioneve jashtë loje (rastet e interpretueshme)

Faullet që ndodhin përpara shënimit të golit apo penalltisë.

Sektori i Arbitrimit në FSHF organizon shumë shpesh seminare me arbitrat e kampionatit shqiptar, me qëllim përditësimin me të rejat më të fundit nga UEFA e FIFA./CNA





Lajmet e fundit nga