web counter
LEXO PA REKLAMA!

SHKARKO APP

App Store
Google Play

Trajneri i ri i Milan-it, Conceicao: Kam vetëm një premtim për tifozët

31 Dhjetor 2024, 12:00, Sport CNA

Trajneri i ri i Milan-it, Conceicao: Kam vetëm një premtim për

Pas shkarkimit të Paulo Fonseca-s, te Milan-i nuk humbën kohë për trajnerin e ri. Drejtimi i skuadrës iu besua një tjetër portugezi. Sergio Conceicao ka marrë në dorë “frenat” e Milan-it dhe ka nisur menjëherë nga puna.

Pas firmës në kontratën e vlefshme deri në vitin 2026, tekniku 50-vjeçar zhvilloi edhe stërvitjen e parë me lojtarët.

Në prononcimin e dhënë për klubin, Conceicao u shfaq shumë i lumtur për këtë aventurë të re. Sipas tij, ekipi duhet të punojë shumë dhe lojtarët të japin gjithçka, sepse përfaqësojnë një klub me emër.

“Jam krenar dhe i lumtur për këtë aventurë. Emocioni është i përkohshëm sepse duhet të punojmë. Duhet të kemi një zemër të ngrohtë dhe një kokë të ftohtë për të punuar shumë dhe për të fituar ndeshjet, kjo është ajo që duam. Ne përfaqësojmë një klub të madh në një nivel botëror dhe ne duhet të japim gjithçka.

Nuk kemi shumë kohë për Superkupën, por kjo nuk është justifikim. Me kohën që kam në dispozicion duhet të punoj shumë në mënyrë që lojtarët të kuptojnë se çfarë duhet të bëjnë individualisht dhe më pas kolektivisht për të qenë të fortë. Nuk ka rrugë tjetër, ka shumë punë për të bërë. Nëse kemi një mentalitet të madh, atëherë me organizimin dhe cilësinë që kanë lojtarët, ne mund të bëjmë gjëra të mëdha.

Fjalët janë fjalë. Më duhet ta vërtetoj me fakte dhe rezultate. Pas të gjithave duhet të ketë shumë punë nga të gjithë, jo vetëm lojtarët, por edhe çdo anëtar i stafit. Ne jemi këtu për të punuar. Ajo që u them tifozëve është se ne do të punojmë shumë për të përmbushur pritshmëritë për këtë klub të madh”, deklaroiConceicao.

Debutimi i trajnerit të ri do të jetë më gjysmëfinalen e Superkupës së Italisë ndaj Juventusit, sfidë e cila është planifikuar të luhet më 3 Janar.





Lajmet e fundit nga