web counter
LEXO PA REKLAMA!

SHKARKO APP

App Store
Google Play

E fundit!

x

Statistikat/ Të gjithë me sytë nga Tbilisi, Shqipëria për të bërë mrekullinë ndaj Gjeorgjisë

14 Tetor 2024, 08:26, Sport CNA
Statistikat/ Të gjithë me sytë nga Tbilisi, Shqipëria
Kombetarja

Sytë e të gjithë shqiptarëve këtë të hënë do të jenë të kthyer nga Tbilisi, aty ku kombëtarja shqiptare e futbollit do të përballet me Gjeorgjinë.

“Kuqezinjtë” do zbresin në stadiumin “Mikheil Meskhi” në orën 18:00, për t’u përballur në kuadër të raundit të katërt të Ligës së Kombeve.

Shqipëria vjen në këtë takim pas dy humbjeve radhazi në Ligën e Kombeve dhe ndaj gjeorgjianëve do të kërkohet kthesa.

Teksa, pas një disfate vijnë edhe kundërshtarët e “kuqezinjve”, me Gjeorgjinë që në sfidën e fundit u mposht nga Ukraina dhe pritet që këtë të hënë të japin maksimumin.

Skuadra e Sylvinho-s mbërriti në Gjeorgji pas dy ndehsjeve pa shënuar dhe qëllimi është që të shmang ndeshjen e tretë radhazi pa gol dhe mbi të gjitha pa pikë.

Por si flasin statistikat e përballjeve mes Gjeorgjisë dhe Shqipërisë?

Kombëtarja shqiptare e futbollit është përballur 16 herë në histori me ekipin e Gjeorgjisë në të gjitha kompeticionet, me takimin e parë mes tyre që daton më 12 dhjetor të 1994-ës.

Në 16 ndeshje mes tyre, statistikat flasin më mirë për gjeorgjianët, që numërojnë nëntë fitore, katër takime janë mbyllur në barazim dhe vetëm tre ndeshje i ka fituar Shqipëria.

Ndërsa vlen të theksohet se nga pesë ndeshje që Gjeorgjia i ka luajtur në shtëpi, i ka fituar të gjitha, një stastistikë aspak pozitive kjo për “kuqezinjtë”.

Shqipëria renditet aktualisht në vendin e tretë të Grupit 1 në Ligën B, me tre pikë dhe “kuqezinjve” u duhet patjetër një fitore ndaj gjeorgjianëve, teksa këta të fundit vijnë si kryesues të grupit me gjashtë pikë.

Megjithatë, me vetëm një fitore në tre takime të Ligës së Kombeve, Shqipëria do duhet të ndryshojë formë, e ndonëse një ndeshje e vështirë në letër është fusha ajo që do tregojë se cila mes dy skuadrave do luajë me më shumë zemër./CNA





Lajmet e fundit nga