E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ismajli: Me Gjeorgjinë na duhet vetëm fitorja, nuk ka alternativë tjetër për ne

13 Tetor 2024, 15:43, Sport CNA

Ismajli: Me Gjeorgjinë na duhet vetëm fitorja, nuk ka alternativë

Ardian Ismajli doli në konferencë për mediet në krah të trajnerit Sylvinho, në prag të ndeshjes së Ligës së Kombeve ndaj Gjeorgjisë.

Për mbrojtësin e Kombëtares shqiptare të futbollit kjo sfidë do të jetë e vështirë, por sipas tij Shqipërisë i duhet vetëm fitorja në këtë takim.

Çfarë synohet ndaj Gjeorgjisë? Ne kemi ardhur për 3 pikët, sepse vetëm fitorja na mban në garë për vendin e parë. Me përkushtim me gjithë grupin besoj se do dalim me tri pikë nga ky stadium.

Dy humbje, çfarë reagimi pritet? E vërtetë që kemi dy humbje dhe siç e thashë kemi ardhur për fitoren, pasi na duhen tri pikët.

Kvaratskhelia, sa i vështirë dhe si bllokohet? E njohim të gjithë, i dimë cilësitë që ka, por si në ndeshjen e parë që e bllokuam besoj se dhe nesër do t'ia dalim. Grupi është ai që e bën rezultatin dhe besoj që do t'ia dalim.

Si e vlerësoni shokun e skuadrës tek Empoli dhe gjithë ekipin gjeorgjian? Saba ka një vit që ka ardhur tek Empoli është i talentuar ka shumë aftësi fizike dhe teknike. Këtë vit ka luajtur nga fillimi dhe ka bërë shumë mirë si gjithë ekipi. Besoj se do bëjë mirë dhe se do të ketë një karrierë të madhe. Gjeorgjia e dimë që është një kundërshtar i vështirë, ia dimë cilësitë, trajneri dhe stafi e kanë analizuar mirë, por besoj me përkushtim do t'ia dalim ndaj Gjeorgjisë.

Plani juaj në aspektin teknik për të bllokuar ekipin gjeorgjian? Plani ynë është që të bëjmë më të mirën për të fituar ndeshjet, sa i përket Gjeorgjisë, ky ekip luan me kundërsulme dhe plani ynë është i njëjti si gjithmonë dhe shpresoj t’ia dalim në fund.

Vërshëllimi i himnit gjeorgjian nga tifozët shqiptarë, çfarë mesazhi keni për tifozët gjeorgjianë pas ndeshjes së nesërme? Ne kemi ardhur këtu të luajmë futboll, nuk e di atë pjesë. Ne kemi ardhur të luajmë, të japim më të mirën, të jemi profesionistë, pasi ne jemi futbollistë.

Shqipëria do të përballet këtë të hënë, duke nisur nga ora 18:00 me Gjeorgjinë në Tbilisi, takimi i raundit të katërt të Ligës së Kombeve./CNA