E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Skënderbeu gjen një xhamajkan për sulmin/ Ja situata në kampin korçar

7 Korrik 2023, 10:26, Sport CNA

Skënderbeu gjen një xhamajkan për sulmin/ Ja situata në

Skënderbeu është kthyer në një kantier ndërtimi ku shumë lojtarë janë afruar dhe disa të tjerë pritet që të mbërrijnë në ditët në vijim. Fakt ky që tregon se e gjithë organika, e cila tashmë është “e fryrë” në radhët e korçarëve pritet që të kalojë në një sitë të imët nën sytë e trajnerit Ivan Gvozdenoviç. Ndaj edhe për këtë numri një i pankinës korçare ka filluar të mendojë për testet e provës që do të shërbejnë për të vlerësuar më mirë lojtarët.

I pari pritet të jetë ditën e diel, me një test kontrolli brenda grupit. Një zgjedhje kjo e vetë trajnerit bardhekuq, i cili kërkon të shohë efikasitetin e lojtarëve që ka në dispozicion, mbi të gjitha të atyre që janë në provë si dhe ata që nuk e kanë ende të sigurt qëndrimin te Skënderbeu për një tjetër sezon.

Duke iu referuar seancave stërvitore të deritanishme, burime pranë trajnerit bardhekuq bëjnë me dije se vetëm dy prej afrimeve kanë bindur plotësisht kryepankinën korçare. Pjesa tjetër janë në provë të vazhdueshme garancie për një fanellë për sezonin e ri. Duket se do të jetë ky test brenda grupit, por edhe dy miqësore të tjera gjatë javës së ardhshme që do të tregojnë përfundimisht organikën reale të Skënderbeut. Nga afrimet që korçarët kanë bërë në këtë merkato, 5 prej tyre me shumë mundësi mund të mos vijojnë të jenë pjesë e grupit. Kjo edhe për faktin se me afrimet e tjera organika shkon deri te 35 lojtarë.

SULMUESI – Me largimin e Kristan Keqit që duket gjithnjë e më larg korçarëve dhe dështimin në disa alternative të tjera, Skënderbeu po insiston për të gjetur sulmuesit e duhur për sezonin e ri. Veç Abubakar dhe Mensah që deri diku ka një pakt mes dy klubeve, Skënderbeut dhe Partizanit për rikthimin e ganezit në ekip korçarët po insistojnë për të afruar një tjetër sulmues në gjirin e tyre. Këtë herë piketat e para të drejtuesve të merkatos dhe presidentit Takaj janë përtej oqeanit.

Burime në klub bëjnë me dije se korçarët janë në tratativa me një sulmues xhamajkan, por për momentin emri i tij po mbahet i fshehtë nga klubi. Nuk dihet ende nëse bisedimet janë në rrugën e duhur apo palët po negociojnë, por fakt është që Skënderbeu dhe Gvozdenoviç kërkojnë edhe një tjetër sulmues që do të mbërrijë në Korçë gjatë kësaj merkatoje.