E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Refuzohet oferta e parë për Onanën, por mban peng Lukakun

6 Korrik 2023, 22:38, Sport CNA

Diçka zyrtare ka filluar të lëvizë në frontin e Andre Onanës. Në fakt, oferta e parë e Mançester Junajtidit për portierin e zikaltërve mbërriti mëngjesin e djeshëm dhe ishte e formuluar në 40 milionë euro plus 5 milionë në formë bonusesh. Interi vazhdon të këmbëngulë për 60 milionë euro, por edhe pse nuk ka një akord, një tjetër takim pritet mes palëve gjatë javës.

Pavarësisht distancës, parashikimet janë që një marrëveshje mund të mbërrijë për një shifër të mesme prej 50 milionë eurosh. Për momentin nga stafi i lojtarit nuk ka ende asnjë deklaratë mbi një ofertë për kamerunasin, por askush nuk pret probleme në këtë aspekt, mbi të gjitha pasi vetë Onana nuk do ta refuzonte bashkimin me ish-trajnerin e tij tek Ajaksi, Erik ten Hag.

Në një situatë të tillë, zikaltrit duhet të gjejnë ende pasardhësin e tij me ukrainasin e Shkahtarit Anatoli Trubin që vazhdon të jetë i pari në listën e objektivave.

Ndërkohë që janë në pritje të një lëvizjeje të radhës të Mançester Junajtidi për portierin, Interi po pret me ankth përfundimin e kësaj çështjeje, për t’u fokusuar tërësisht në çështjen e Romelu Lukakut. Me paratë që do të arkëtohen nga largimi i portierit, zikaltrit do të formulojnë ofertën zyrtare në drejtim të Çelsit për huazimin prej 5 milionë eurosh me detyrim blerjeje për 30 milionë.

Belgu ka qenë gjithmonë i vendosur për të qëndruar me ngjyrat zikaltër, aq sa kë refuzuar oferta të njëpasnjëshme nga Arabia Saudite dhe po ashtu ka shprehur qartë dëshirën e tij për të mos u kthyer në Londër.

Me fazën përgatitore të sezonit të ri që pritet të nisë, si Çelsi dhe Interi duan ta zgjidhin sa më parë situatën e sulmuesit, që nuk është as në preferencat e Mauricio Poçetinos. Nga ana tjetër Simone Inzagi po këmbëngul për Lukakun te drejtuesit për ta pasur në dispozicion para nisjes së turit aziatik të klubit që do të zhvillohet në Japoni, pra para datës 24 korrik.