web counter
LEXO PA REKLAMA!

SHKARKO APP

App Store
Google Play

Serie A/ Como i "falet" VAR-it, hap fals nga Fiorentina

13 Prill 2025, 20:07, Sport CNA

Serie A/ Como i "falet" VAR-it, hap fals nga Fiorentina

Como triumfoi minimalisht ndaj Torinos, në ndeshjen e vlefshme për javën e 32-të në Serinë A.

Skuadra e Fabregas regjistroi suksesin e dytë radhazi në kampionat, por këtë herë edhe me ndihmën e VAR-it.

Pjesa e parë foli e gjitha për Komon që ishte dominuese. Vendasit u shpërblyen me gol në minutën e 38-të, kur Duvikas shënoi pas një asisti të marrë nga Mërgim Vojvoda.

Në fraksionin e dytë, Torino u fut me një qasje tjetër, duke kërkuar me ngulm golin e barazimit.  Miqtë gjetën golin në minutën e 92-të, me Iliç, por u anulua nga VAR-i, duke kaluar festën te Komo.

Torino mbetet në vendin e 10-të me 40 pikë, ndërsa Como me 4 pikë më pak, mban vendin e 13-të.

Hap fals i Fiorentinës, në garën për një vend në Champions. Skuadra nga Firence u ndal në një barazim pa gola nga Parma në shtëpi.

Miqtë ishin më kërkues nga fillimi dhe iu afruan golit në minutën e 3-të, por De Gea ndali gjuajtjen me kokë të Bernabe.

Portieri spanjoll ishte sërish vendimtar, me një tjetër pritje në minutën e 11-të. Pas zhgënjimit në pjesën e parë, vendasit ndryshuan fytyrë në të dytën, duke u shfaqur më kërkues.

Moise Ken kishte një rast të artë në minutën e 54-t, por përballë me portierin gjuajti jashtë. 3 minuta më vonë, Faxholi provoi nga goditja e dënimit, por gjeti reagimin e shkëlqyer të portierit Suzuki.

Të njëjtin fat kishte edhe Dodo, që gjithashtu pa gjuajtjen e tij të ndalej nga portieri mik.

Ky është barazimi i dytë radhazi për Fiorentinën, që mban vendin e tetë në renditje me 53 pikë të grumbulluara.

Në krahun tjetër, Parma vazhdon të luftojë për mbijetesë, pasi mban vendin e 16-të me 28 pikë.

Në barazim pa gola, u mbyll edhe dueli tjetër mes Veronës dhe Genoas. Ishte një ndeshje e qetë dhe me raste të pakta nga të dyja skuadrat, që dukej se ishin të kënaqura me barazimin.

Verona renditet në vendin e 14-të me 32 pikë, ndërsa Genoa mban vendin e 12-të me 7 pikë më shumë.





Lajmet e fundit nga