web counter
LEXO PA REKLAMA!

SHKARKO APP

App Store
Google Play

E fundit!

x

Sainz triumfon në Çmimin e Madh të Meksikës, penalizohet Verstappen

28 Tetor 2024, 08:57, Sport CNA
Sainz triumfon në Çmimin e Madh të Meksikës, penalizohet
Carlos Sainz, Burimi: AP

Carlos Sainz dhe makina Ferrari triumfojnë në Çmimin e Madh të Meksikës.

Sainz mori në Meksikë fitoren e dytë të sezonit, teksa kjo ishte fitorja e pestë sezonale për skuderinë e Ferrarit, njëkohësisht e dyta radhazi për “kokëkuqen”, pas triumfit të Charles Leclerc një javë më parë në Austin.

I dyti këtë garë e mbylli piloti i McLaren, Lando Norris, me një diferencë prej 4 sekondash e 705 të mijëtat. Podiumi u plotësua nga piloti tjetër i Ferrarit, Leclerc.

Ndërkohë, piloti i Mercedes, Lewis Hamilton, e mbylli garën i katërti, teksa George Russell i pesti.

Sa i përket skuderisë së Red Bull zhgënjeu në këtë garë, Max Verstappen u penalizua me 20 sekonda për sjellje josportive në pistë, me holandezin që e mbylli garën i gjashti, teksa Perez e mbyli garën i fundit. 

Sa i përket Fernando Alonso-s, piloti i Aston Martin nuk e mbylli garën për shkak të problemeve teknike.

Kjo garë nuk u mbyll as nga Albon dhe Tsunoda, të cilët u aksidentuan.

Pas garës së Çmimit të Madh të Meksikës, Sainz renditet në vend të pestë me 240 pikë, teksa Verstappen vazhdon të kryesojë në kuotën e 362 pikëve.

Ndërsa sa i përket renditjes për konstruktorë, Ferrari qëndron në vend të dytë me 537 pikë, teksa McLaren kryeson me 566 pikë./CNA





Lajmet e fundit nga