web counter
LEXO PA REKLAMA!

SHKARKO APP

App Store
Google Play

E fundit!

x

Ndeshje për kornizë! Inter-Juventus dhuron spektakël me 8 gola

27 Tetor 2024, 19:54, Sport CNA

Ndeshje për kornizë! Inter-Juventus dhuron spektakël me 8 gola

Tetë gola të shënuar dhe shumë spektakël. Interi dhe Juventusi, ndanë nga një pikë në derbin e Italisë, që u mbyll në barazim 4-4.

Zielinski zhbllokoi takimin, duke shënuar nga penalltia, për t'i dhënë avantazhin Interit. Polaku i cili ishte në balotazh me Asllanin për vendin e titullarit, ka gjetur rrugën e rrjetës.

Thuram i vodhi kohën Danilos, për t’i marrë penalltinë, e cila i dha avantazhin Interit në minutën e 15-të.  

Megjithatë ë minutën e 20-të, ishte Dusan Vlahovic, që shënoi për Juventusin, duke barazuar shifrat. Serbi nuk gaboi përballë portierit Sommer, pas asistit të marrë nga McKennie.

Baredhezinjtë përmbysën rezultatin me një gol të Weah në minutën e 27-të. Edhe avantazhi i Juventusit zgjati i pak, pasi Mkhitaryan barazoi shifrat në minutën e 35-të.

Vetëm 3 minuta më vonë, Zielinski riktheu avantazhin 3-2 për Interin, me penallti. 

Spektakli nuk mungoi as në pjesën e dytë, ku shënuan edhe tre gola të tjerë. Dumfries realizoi të katërtin për Interin në minutën e 54-të, duke krijuar idenë e një fitoreje të lehtë për zikaltërit.

Juventusi nuk u dorëzua dhe barazoi shifrat, falë dy golave të Yildiz në minutat 71 dhe 82. Me këtë barazim, Interi mban vendin e dytë me 18 pikë, ndërsa Juventusi i treti me 17 pikë.

 





Lajmet e fundit nga