web counter
LEXO PA REKLAMA!

SHKARKO APP

App Store
Google Play

E fundit!

x

Ronaldo paralajmëron largimin: Merituam të kalonim më tej

2 Korrik 2024, 12:14, Sport CNA

Ronaldo paralajmëron largimin: Merituam të kalonim më tej

Sfida ndaj Sllovenisë, ku Portugalia siguroi kualifikimin për në çerekfinalen e Europianit, prodhoi emocione të përziera për sulmuesin e luzitanëve, Kristiano Ronaldo.

Futbollisti veteran humbi penalltinë në minutën e 105-të, çka bëri që të shpërthejë në lot. Megjithatë, në fund Ronaldo festoi, pas kualifikimit nga ruleta ruse.

Pas ndeshjes, ylli i sulmit u shfaq i emocionuar, ndërsa tha se ekipi i tij e meritoi kualifikimin.

“U mërzita në fillim, por u gëzova në fund. Ky është futbolli, ka momente të papërshkrueshme. Kisha një mundësi direkte për të kaluar skuadrën në epërsi, por nuk ia dola. Jan Oblak bëri një pritje të madhe. Nuk humba asnjë penallti gjatë gjithë vitit, por e humba kur ishte më e rëndësishmja. Unë mendoj se e merituam të fitonim”, deklaroi Ronaldo.

39-vjeçari zbuloi ndër të tjera, se ky do të jetë Europiani i fundit për të me fanellën e Portugalisë.

“Sigurisht që ky do të jetë kampionati im i fundit Europian. Nuk jam i prekur nga kjo, por nga entuziazmi. Më erdhi keq për tifozët. Do të jap gjithmonë maksimumin për këtë fanellë, pavarësisht nëse dështoj apo jo. Unë do ta bëj këtë gjatë gjithë jetës sime, sepse ju duhet ta merrni atë përgjegjësi”, përfundoi Ronaldo.

Shumë i lumtur për këtë kualifikim u shfaq edhe heroi i kualifikimit të Portugalisë, Diogo Kosta. Ndeshjen ndaj Sllovenisë, portieri e cilësoi si më të mirën në jetën e tij.

Kosta zbuloi gjithashtu se i kishte studiuar të gjithë lojtarët e Sllovenisë, për gjuajtjet e penalltive.





Lajmet e fundit nga