web counter
LEXO PA REKLAMA!

SHKARKO APP

App Store
Google Play

E fundit!

x

Rikthehet Liga e Kampioneve, Bayern-PSG si finale. Mësoni ndeshjet e sotme

26 Nëntor 2024, 08:00, Sport CNA

Rikthehet Liga e Kampioneve, Bayern-PSG si finale. Mësoni ndeshjet e sotme

Këtë të martë rikthehet Liga e Kampioneve, me nëntë ndeshje interesante, të vlefshme për raundin e nëntë.

Padyshim vëmendja më e madhe do të jetë te supersfida mes Bayern Munich dhe PSG-së, dy skuadra pretendente për trofeun, që do të përballen me njëra-tjetrën.

Si gjermanët, ashtu edhe francezët, nuk vijnë në këtë takim me ecuri të mirë në Champions dhe për këtë arsye e kanë detyrim fitoren.

Në katër ndeshjet e para, Bayern-i ka marrë dy fitore dhe dy humbje, ndërsa renditet në mesin e tabelës.

Më keq është situata te parisienët, që kanë marrë vetëm një fitore, dy humbje dhe një barazim, duke u pozicionuar në vendin e 25-të.

Në “Allianz Arena”, pritet një përballje shumë e luftuar dhe emocionuese, ashtu siç kanë qenë edhe në të kaluarën ndeshjet mes këtyre ekipeve.

Sfidë spektakolare pritet të jetë edhe ajo mes Inter-it dhe Leipzig-ut, dy ekipe që gjithashtu luajnë vetëm për të marrë 3 pikët.

Gjermanët po kalojnë një moment të errët, me katër humbje radhazi në Champions, por shpresojnë që ndaj Inter-it të jetë pika e kthesës.

Në krahun tjetër, krejt ndryshe është situata te kampionët e Italisë, që kanë marrë tri fitore dhe një barazim në katër ndeshjet e para dhe në këtë takim vijnë si favoritë.

Përballje e lehtë në letër për Manchester City-n, që pret në shtëpi holandezët e Feyenoord. Arsenali ka një transfertë delikate, siç është ajo ndaj portugezëve të Sporting-ut, të cilët janë një nga surprizat e mëdha të këtij sezoni.

Barcelona pret në shtëpi Brestin, ndërsa Atalanta luan në transfertë ndaj Young Boys. Këto sfida do të luhen në orën 21:00, ndërsa më herët, Milani përballet me Slovan Bratislava, ndërsa ndeshja tjetër është Sparta Pragë-Atletico Madrid.





Lajmet e fundit nga