web counter
LEXO PA REKLAMA!

SHKARKO APP

App Store
Google Play

Bayern-PSG, Kompany: Të dyja ekipet futen për fitore

25 Nëntor 2024, 20:26, Sport CNA

Bayern-PSG, Kompany: Të dyja ekipet futen për fitore

Bayern Munich-PSG, është padyshim kryendeshja e raundit të pestë në Ligën e Kampioneve.

Të dyja ekipet e kanë detyrim fitoren, për shkak të rezultateve të marra në ndeshjet e para. Këtë e pranoi edhe trajneri i bavarezëve, Vincent Kompany, në konferencën para ndeshjes.

Trajneri i gjermanëve, vlerësoi kundërshtarin, por theksoi se ekipi i tij futet në fushë vetëm për të marrë tre pikët.

“Do të përballemi me një nga klubet më të forta në Evropë. Ndoshta PSG-ja është një nga 10 ekipet më të mira. Kanë cilësi të shkëlqyera individuale dhe një trajner shumë të mirë. Të dyja skuadrat futen në fushë për të fituar. Ne luajmë në shtëpi dhe fitoren e kemi prioritet.

Sezoni deri tani ka qenë përgjithësisht i mirë për ne, por jo perfekt. Për mua nuk kanë rëndësi kritikat. E rëndësishme është që të mësojmë nga momentet e vështira. Nuk ka ndeshje të lehta. Duhet të kemi të njëjtin mentalitet, pavarësisht kundërshtarit që është përballë. Synimi ynë është që fazën e grupeve ta mbyllim në vendet e para. Në ndeshje të tilla, duhet të japim gjithçka”, deklaroi Kompany.  

Në krahun tjetër, trajneri i PSG-së, Luis Enrique, u shpreh se ekipi i tij duhet të kishte marrë më shumë pikë, për paraqitjet që ka treguar, ndërsa shtoi se duhet përmirësim te pjesa e golave.

“Ne kemi luajtur katër ndeshje në Ligën e Kampioneve dhe tre prej tyre i kishim në shtëpi. Nuk kemi marrë rezultatet që kemi merituar, por futbolli kështu është. Tani e kemi detyrim fitoren. Na duhen rezultatet, nëse duam të kualifikohemi për më tej. Nuk e dimë sa pikë do të marrim, por ia kemi komplikuar situatën vetes. Futbolli varet nga golat dhe ne duhet të përmirësohemi te kjo pjesë. Ne kemi bërë mirë në të gjitha ndeshjet e këtij sezoni, përveç asaj me Arsenalin. Na duhet një paraqitje e mirë edhe ndaj Bajernit. Kur nuk e kemi topin, duhet të vrapojmë më shumë, duhet të rrisim nivelin”, deklaroi Enrique.

Ndeshja Bayern Munich-PSG, do të luhet në stadiumin “Allianz Arena”, te marten duke nisur nga ora 21:00.





Lajmet e fundit nga