E fundit!

08:57 Aktualitet

Nis protesta para Parlamentit/ Policia zgjeron perimetrin e sigurisë, debate me qytetarët

Ka nisur protesta në sheshin para Parlamentit. Në terren k...

“Plas” te Dortmund/ Zëvendësimi i Bellingham, babai i lojtarit “kapet” me trajnerin

24 Gusht 2025, 14:49, Sport CNA

“Plas” te Dortmund/ Zëvendësimi i Bellingham, babai i

Një ngjarje e pazakontë ka ndodhur në kampin e Borussia Dortmund pas barazimit dramatik 3-3 kundër St Pauli, ku vëmendjen nuk e mori vetëm rezultati i ndeshjes, por edhe situata që shpërtheu rreth debutimit të Jobe Bellingham. Mesfushori 19-vjeçar, i ardhur këtë verë nga Sanderlendi për shumën e 32 milionë eurove, pritej të ishte një nga përforcimet kryesore të skuadrës në këtë sezon, por debutimi i tij në Bundesliga nuk shkoi sipas pritshmërive.

Në ndeshjen e zhvilluar të shtunën, Bellingham u aktivizua si titullar, por pas një pjese të parë të vështirë, trajneri Niko Kovaç vendosi ta zëvendësonte në pushimin mes dy pjesëve. Ky vendim, megjithëse i zakonshëm në futboll, shkaktoi pakënaqësi të dukshme te babai i lojtarit, Mark Bellingham, i cili njëkohësisht është edhe këshilltar personal i tij.

Sipas BILD, babai i lojtarit reagoi menjëherë pas ndeshjes duke shprehur hapur zhgënjimin e tij ndaj drejtorit sportiv të klubit, Sebastian Kehl. Mësohet se ai ka kritikuar vendimin e trajnerit për ta larguar të birin nga fusha pas vetëm 45 minutash lojë dhe madje ka kërkuar të takonte personalisht Niko Kovaç për të shprehur pakënaqësinë e tij.

Situata është bërë edhe më e ndjeshme për shkak se ndeshja vetë përfundoi në mënyrë zhgënjyese për Borussia Dortmund. Verdhezinjtë kishin arritur të krijonin një avantazh prej dy golash, duke udhëhequr 3-1 deri në minutat e fundit, por nuk arritën ta ruanin dhe në fund u ndalën në një barazim 3-3. Kjo u bë gjithashtu pjesë e kritikave të Mark Bellingham, i cili shprehu hapur pakënaqësinë për mënyrën se si skuadra menaxhoi minutat e fundit.

Debutimi i Bellingham, që pritej të ishte një moment pozitiv për lojtarin dhe klubin, përfundoi kështu me një atmosferë të ngarkuar. Përfshirja e familjes së tij në këtë episod ka ngritur pikëpyetje mbi marrëdhënien mes lojtarit dhe stafit teknik, ndërsa media gjermane raporton se kjo mund të krijojë tensione të panevojshme në brendësi të skuadrës.