E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Përballjet me Gjermaninë, Spalletti zbulon listën e Italisë

14 Mars 2025, 19:46, Sport CNA

Përfaqësuesja italiane ka zbuluar listën e lojtarëve të ftuar për përballjen e dyfishtë ndaj Gjermanisë, në kuadër të çerekfinaleve të Ligës së Kombeve. Trajneri Luciano Spaletti ka bërë disa ndryshime dhe ka sjellë disa emra të rinj në skuadër, ndërsa disa lojtarë me eksperiencë rikthehen pas një kohe të gjatë mungese.

Një nga risitë kryesore është grumbullimi i Matteo Ruggieri nga Atalanta dhe Cesare Casadei nga Torino, të cilët do të kenë mundësinë e tyre për të debutuar me fanellën e “Axurëve”. Ndërkohë, pas një mungese prej një viti e gjysmë, në kombëtare rikthehet Matteo Politano, ndërsa në listë përfshihet sërish edhe Matia Zaccagni.

Nga ana tjetër, Federico Dimarco nuk është përfshirë në grumbullim, pasi stafi mjekësor ka vendosur t’i japë kohën e nevojshme për t’u rikuperuar nga dëmtimi.

Takimi i parë ndaj Gjermanisë do të luhet më 20 mars në stadiumin “San Siro”, ku pritet një atmosferë spektakolare me mbështetjen e tifozëve italianë. Ndërsa ndeshja e kthimit do të zhvillohet në “Signal Iduna Park” në Dortmund, më 23 mars, ku do të përcaktohet ekipi që do të kalojë në gjysmëfinalet e Ligës së Kombeve.

Kjo përballje ndaj Gjermanisë nuk do të jetë e rëndësishme vetëm për kualifikimin në “Final Four” të Ligës së Kombeve, por edhe për rrugën drejt Kupës së Botës 2026. Nëse Italia arrin të fitojë ndaj gjermanëve, ajo do të pozicionohet në një grup më të favorshëm në fazën kualifikuese, duke u përballur me skuadra si Sllovakia, Irlanda e Veriut dhe Luksemburgu.

Por, nëse “Axurët” eliminohen, atëherë do të duhet të luajnë në një grup më të vështirë. Kjo e bën këtë duel edhe më të rëndësishëm për të ardhmen e kombëtares italiane në kompeticionet ndërkombëtare.

LISTA:

Portierët:

• Gianluigi Donnarumma (Paris Saint-Germain)

• Alex Meret (Napoli)

• Guglielmo Vicario (Tottenham)

Mbrojtësit:

• Alessandro Bastoni (Inter)

• Alessandro Buongiorno (Napoli)

• Riçardo Calafiori (Arsenal)

• Andrea Cambiaso (Juventus)

• Pietro Comuzzo (Fiorentina)

• Giovanni Di Lorenzo (Napoli)