web counter
LEXO PA REKLAMA!

SHKARKO APP

App Store
Google Play

Shkëmbi: Egnatias i lejohen hapat fals, ja si i mposhtim

14 Mars 2025, 16:27, Sport CNA

Shkëmbi: Egnatias i lejohen hapat fals, ja si i mposhtim

Pas barazimit me Vllazninë, Tirana do të kërkojë të rikthehet te fitorja. Këtë shtunë, bardheblutë përballen me Egnatian, në një sfidë tepër të vështirë.

Këtë e pranoi edhe trajneri Bledi Shkëmbi, i cili deklaroi se do të ketë mungesa të rëndësishme, por kërkoi maksimumin nga lojtarët që do të aktivizohen.

“Në fakt mund ta quajmë pozitive barazimin, lufta vijon, këtë javë kemi një kundërshtar të fortë, me një skuadër që nuk ka prishur atë që po ndërton dhe për mënyrën si luan, kërkon respektin maksimal. Jemi përgatitur, shpresojmë shumë që të kemi edhe fatin me vete.

Në fakt kemi probleme fizike, vijon Abah dhe Rafa, sot është stërvitja e fundit për të parë kush mundet dhe kush jo, e kam thënë shumë herë që nuk duhet të ketë justifikim, atyre që iu jepet mundësia të japin maksimumin."

Shkëmbi vlerësoi maksimalisht kundërshtarin, duke thënë se Egnatia është e qetë dhe i lejohen hapat fals, ndërsa Tiranës jo.

"E kam thënë gjithmonë që ka presion ndryshojnë objektivat, është te të dyja skuadrat, duhet të bëjmë maksimumin për të kaluar këtë situatën ku jemi, Egnatia është më e qetë, lufton për vendin e parë, i falen dhe gabimet, ne nuk e kemi atë luks dhe duhet të jemi shumë të përqëndruar. Tirana duhet të jetë më e përqëndruar se në çdo ndeshje, në të dyja fazat e lojës, te rastet që krijojmë, te rastet që mbrojmë duhet të jemi të përqëndruar pasi Egnatia ka lojtarë që bëjnë diferencën dhe të ndëshkojnë nga momenti në moment”, deklaroi Shkëmbi.

Ndeshja Egnatia-Tirana do të luhet të shtunën, duke nisur nga ora 18:00 në Rrogozhinë.





Lajmet e fundit nga