web counter
LEXO PA REKLAMA!

SHKARKO APP

App Store
Google Play

E fundit!

x

Pasuesi i Alonsos, Leverkusen "piketon" Ten Hag

30 Prill 2025, 21:13, Sport CNA

Pasuesi i Alonsos, Leverkusen "piketon" Ten Hag

Bayer Leverkusen ka filluar të shqyrtojë mundësitë për të ardhmen në pankinë, në rast se trajneri aktual, Ksabi Alonso, vendos të largohet në fund të sezonit. Sipas raportimeve të fundit nga mediat gjermane, një nga emrat që konsiderohet si pasues potencial i Alonsos është Erik ten Hag, ish-trajneri i Manchester United dhe një figurë e njohur në futbollin europian.

Nën drejtimin e Alonso-s, sezoni aktual i Leverkusen ka qenë tejet pozitiv dhe ka tërhequr vëmendjen ndërkombëtare, jo vetëm për rezultatet në fushë, por edhe për mënyrën e organizimit të skuadrës. Kjo ka çuar në një rritje të interesimit për vetë teknikun spanjoll, i cili përflitet gjithnjë e më shumë si kandidat për të marrë drejtimin e Real Madridit në të ardhmen e afërt.

Për këtë arsye, Leverkusen ka nisur një proces të brendshëm vlerësimi për të qenë e përgatitur në rast të largimit të tij gjatë verës.

Erik ten Hag, i cili aktualisht është i lirë pas periudhës së tij në Premier Ligë me Junajtid, shihet si një trajner me profil të përshtatshëm për projektin sportiv të Leverkusen-it.

Pavarësisht kritikave që ka marrë në Angli, veçanërisht për rezultatet dhe menaxhimin e krizave, Ten Hag mbetet një trajner me përvojë të konsiderueshme dhe me rezultate konkrete, sidomos gjatë periudhës së tij me Ajaksin. Me ekipin holandez, ai arriti suksese në nivel kombëtar dhe ndërkombëtar, ndër të cilat spikat arritja në gjysmëfinalen e Ligës së Kampionëve në sezonin 2018-2019.

Ten Hag njihet për qasjen e tij taktike të strukturuar, fokusin tek loja e organizuar dhe aftësinë për të zhvilluar lojtarë të rinj, një aspekt që përputhet me filozofinë e Leverkusen, e cila tradicionalisht ka qenë një skaudër që mbështetet në përgatitjen dhe rritjen e talenteve.

 





Lajmet e fundit nga