web counter
LEXO PA REKLAMA!

SHKARKO APP

App Store
Google Play

E fundit!

x

Derbi i zjarrtë në Athinë për titullin, drejtësinë e vendos Enea Jorgji

30 Prill 2025, 14:43, Sport CNA

Derbi i zjarrtë në Athinë për titullin, drejtësinë

Tre arbitra shqiptarë janë caktuar për të gjykuar një nga ndeshjet më të rëndësishme të fazës “play off” në kampionatin grek të futbollit.

Bëhet fjalë për ndeshjen mes AEK-ut të Athinës dhe Panathinaikos-it, e planifikuar për t’u zhvilluar më 4 maj. Takimi konsiderohet një derbi i madh i kryeqytetit grek dhe ka peshë të madhe në garën për titullin kampion.

Arbitri kryesor i kësaj ndeshjeje do të jetë shqiptari Enea Jorgji, i cili do të shoqërohet nga asistentët Denis Rexha dhe Ridiger Çokaj.

Kjo përbërje përfaqëson një prej delegimeve më të rëndësishme ndërkombëtare për gjyqtarët shqiptarë në një nga ligat më të rëndësishme të rajonit.

Vendimi për të caktuar një treshe arbitrare të huaj është marrë nga Shoqata e Arbitrave në Greqi, e cila ka preferuar të shmangë përfshirjen e gjyqtarëve vendas për të reduktuar mundësitë për polemika ose kontestime, duke pasur parasysh rivalitetin e madh dhe tensionin që karakterizon zakonisht përballjet mes dy skuadrave të Athinës.

Enea Jorgji është një nga arbitrat më me përvojë në Shqipëri. Ai ka marrë stemën e FIFA-s në vitin 2012 dhe ka një karrierë të gjatë në drejtimin e ndeshjeve kombëtare dhe ndërkombëtare.

Karrierën në arbitrim e nisi në vitin 2009 dhe ka qenë pjesë e shumë eventeve të rëndësishme, përfshirë edhe ndeshje të UEFA-s dhe FIFA-s në nivele të ndryshme.

Sa i përket renditjes në kampionatin grek, Panathinaikos mban vendin e dytë me 56 pikë, ndërsa AEK-u ndodhet në vendin e katërt me 53 pikë.

Diferenca e vogël në pikë dhe faza vendimtare e sezonit e bëjnë këtë përballje me rëndësi të veçantë për ecurinë e mëtejshme në luftën për titull.





Lajmet e fundit nga