web counter
LEXO PA REKLAMA!

SHKARKO APP

App Store
Google Play

E fundit!

x

“Final Four”, bëhet ndarja e tribunave. Ja ku do të vendosen tifozët e ekipeve

30 Prill 2025, 18:46, Sport CNA

“Final Four”, bëhet ndarja e tribunave. Ja ku do të

Të dielën dhe të hënën do të luhen dy ndeshjet gjysmëfinale të “Final Four”, ku do të vendoset finalja e madhe e sezonit 2024/2025 në Superiore. 

Vllaznia – Dinamo City është gjysmëfinalja e parë e “Final Four”, që do të luhet të dielën, më 4 maj, në orën 20:00, në stadiumin “Arena Kombëtare”. FSHF, si organizatore e ndeshjeve të “Final Four”, ka përcaktuar edhe ndarjen e tribunave për tifozët.

Në sektorin N do të vendosen tifozët e Vllaznisë, ndërsa sektorët S dhe V janë të rezervuara për tifozët e Dinamos. Në tribunën kryesore, sektorët W101, W102 dhe W103 janë në dispozicion të tifozëve të Vllaznisë, ndërsa në sektorët W105, W106 dhe W107 do të vendosen tifozët e Dinamos.

Të gjitha tribunat e tjera në stadiumin “Arena Kombëtare” do të jenë në dispozicion të tifozëve të të dyja skuadrave dhe për të gjithë futbolldashësit e kampionatit shqiptar.

Gjysmëfinalja e dytë, Egnatia – Partizani, do të zhvillohet të hënën, më 5 maj, në orën 20:00, po në stadiumin “Arena Kombëtare”.

Në këtë sfidë, tifozët e Egnatias do të pozicionohen në sektorin N, ndërsa tifozët e Partizanit në sektorët S dhe V. Në tribunën kryesore, sektorët W101, W102 dhe W103 janë në dispozicion të tifozëve të Egnatias, ndërsa në sektorët W105, W106 dhe W107 do të vendosen tifozët e Partizanit.

Edhe në këtë ndeshje, tribunat e tjera do të jenë në dispozicion të tifozëve të të dyja skuadrave dhe për të gjithë futbolldashësit e kampionatit shqiptar.

Biletat për ndeshjet e “Final Four” mund të blihen online në ebileta.al, si edhe në pikën fizike pranë stadiumit “Arena Kombëtare”.





Lajmet e fundit nga