LEXO PA REKLAMA!

SHKARKO APP

App Store
Google Play

E fundit!

x

Ndryshon lista e Kombëtares, Enea Mihaj do të zëvendësojë Ardian Ismajlin e dëmtuar

19 Mars 2023, 13:19, Sport CNA
Ndryshon lista e Kombëtares, Enea Mihaj do të

Kombëtarja shqiptare do të nisë që nga pasditja e së dielës grumbullimin para ndeshjes së parë në kualifikueset e "Euro 2024" ndaj Polonisë, që luhet në transfertë më 27 mars.

Trajneri Sylvio Campos Mendes Junior ka shpallur që të premten listën me emrat e 23 lojtarëve që do të jenë të gatshëm për këtë premierë kuqezi, ndërkohë që të shtunën ka dalë edhe në një konferencë për median ku ka shpjeguar zgjedhjet e tij dhe ka folur për objektivat në këtë sfidë të parë.

Departamenti i Komunikimit në FSHF bën me dije se pas stafi mjekësor i Kombëtares ka qenë në kontakte të vazhdueshme me klubin e Empolit për të mësuar shkallën e dëmtimt të Ardian Ismajlit.

Mbrojtësi kuqezi u dëmtua gjatë ndeshjes së fundit të Empolit në Serinë A të premten në mbrëmje ndaj Atalantës, ndërkohë që të shtunën u është nënshtruar analizave që kanë konfirmuar dëmtimin dhe është dalë në konkluzionin se ai nuk mund të jetë i gatshëm për ndeshjen me Poloninë.

Në këto kushte, trajneri Sylvinho ka vendosur të ndryshojë listën dhe të thërrasë mbrojtësin Enea Mihaj për të zëvendësuar Ismajlin e dëmtuar. Mihaj do të jetë në dispozicion të skuadrës duke nisur nga e hëna për t’u stërvitur normalisht me grupin.

Lajmet e fundit nga