web counter
LEXO PA REKLAMA!

SHKARKO APP

App Store
Google Play

E fundit!

x

Ndryshime në listat e ekipeve kombëtare, Sylvinho fton tjetër talent të Shqipërisë U-21

8 Tetor 2024, 14:12, Sport CNA

Ndryshime në listat e ekipeve kombëtare, Sylvinho fton tjetër

Listat e Kombëtares A dhe të Shqipërisë U-21 kanë pësuar ndryshime.

Federata Shqiptare e Futbolli njoftoi këtë të martë se trajneri Sylvinho ka marrë në ekipin e parë të Shqipërisë, talentin e Kombëtares U-21, Feta Fetain.

“Departamenti i Komunikimit në FSHF bën me dije se trajneri Sylvinho ka vendosur të afrojë në skuadër mesfushorin e Shpresave, Feta Fetai. Lojtari do të bashkohet me ekipin në stërvitjen e pasdites dhe do të jetë pjesë e skuadrës për dy ndeshjet e Kombëtares ndaj Çekisë dhe Gjeorgjisë”-bëhet me dije në njoftimin e federatës.

Si pasojë e afrimit të Fetait nga trajneri Sylvinho, ndryshime ka edhe në listën e ekipit Kombëtar U-21.

Trajneri i “Shpresave”, Alban Bushi ka vendosur të thërrasë në grumbullim mesfushorin e Tiranës, Hajrulla Tola si edhe portierin e Vorës, Arbër Jata.

Afrimi i portierit Jata te U-21 është bërë pasi Simon Simoni dhe Endri Dema kanë ngarkesë në muskuj dhe për pasojë u duhen dy ditë të plota rikuperimi.

Shqipëria U-21 do të luajë më 15 tetor kundër Armenisë në stadiumin “Air Albania” në orën 18:00./CNA

Ndryshime në listat e ekipeve kombëtare, Sylvinho fton tjetër
Feta Fetai, Burimi: FSHF




Lajmet e fundit nga