Nga "Euro 2024" në Ligën e Kombeve, si ka ndryshuar lista e Shqipërisë?

8 Tetor 2024, 08:52, Sport CNA

Nga "Euro 2024" në Ligën e Kombeve, si ka ndryshuar lista e

Kombetarja

Kombëtarja shqiptare e futbollit ka nisur përgatitjet për ndeshjet e tetorit në Ligën e Kombeve, me kuqezinjtë që do të përballën me 11 tetor me Republikën Çeke dhe më 14 tetor me Gjeorgjinë.

Trajneri Sylvinho publikoi pak ditë më parë listën me lojtarët e ftuar për këto takime, me teknikun që disa përzgjedhje i kishte të detyruara ndoshta prej dëmtimeve, por edhe formës së disa lojtarëve.

Kur vjen momenti për të bërë krahasime në listën e Kombëtares, si referencë patjetër që merret ajo me lojtarët e ftuar nga Shqipëria në Kampionatin Europian "Gjermani 2024" dhe mungesat që janë te kuqezinjtë në krahasim me atë listë.

Portieri Etrit Berisha është pa klub prej disa javësh, duke bërë që të mos ketë minuta dhe në një situatë të tillë ai nuk është ftuar në këto takime, teksa Simon Simoni është grumbulluar me U-21 e Shqipërisë.

Minutat e pakta në dispozicion me Dinamon, kanë bërë që ftesë për këto dy sfida të mos ketë as për Naser Alijin.

Nga ana tjetër sa u përket dëmtimeve, kapiteni Berat Gjimshiti, Medon Berisha, Rey Manaj dhe Armando Broja nuk mundën të ishin të gatshëm për këto ndeshje për shkak të problemeve fizike.

Ndërsa Klaus Gjasula vlen të theksohet se e ka mbyllur etapën e tij me Kombëtaren tashmë, pasi disa javë më parë njoftoi tërheqjen.

Lista e "EURO 2024":

Portierë: Etrit Berisha, Elhan Kastrati, Thomas Strakosha, Simon Simoni

Mbrojtës: Naser Aliji, Arlind Ajeti, Ivan Balliu, Berat Gjimshiti, Elseid Hysaj, Ardian Ismajli, Marash Kumbulla, Enea Mihaj, Mario Mitaj

Mesfushorë: Amir Abrashi, Kristjan Asllani, Nedim Bajrami, Medon Berisha, Klaus Gjasula, Qazim Laçi, Ernest Muçi, Ylber Ramadani

Sulmues: Jasir Asani, Armando Broja, Mirlind Daku, Arbër Hoxha, Rey Manaj, Taulant Seferi

Nga ana tjetër sa u përket prurjeve të reja në krahasim me Europianit, ekipit kuqezi për këto sfida u janë bashkuar Alen Sherri në portë, Andi Hadroj në mbrojtje, Adrion Pajaziti në mesfushë dhe Myrto Uzuni në sulm.

Lista e Shqipërisë për ndeshjet me Çekinë dhe Gjeorgjinë:

Portierë: Elhan Kastrati, Thomas Strakosha, Alen Sherri

Mbrojtës: Arlind Ajeti, Ivan Balliu, Elseid Hysaj, Ardian Ismajli, Marash Kumbulla, Enea Mihaj, Mario Mitaj, Andi Hadroj

Mesfushorë: Amir Abrashi, Kristjan Asllani, Nedim Bajrami, Qazim Laçi, Ernest Muçi, Ylber Ramadani, Adrion Pajaziti

Sulmues: Jasir Asani, Mirlind Daku, Arbër Hoxha, Taulant Seferi, Myrto Uzuni./CNA