E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ëndrra titull “shuhet”, por keqardhjet e Milan-it nuk janë te Napoli

7 Prill 2026, 15:14, Sport CNA

Ëndrra titull “shuhet”, por keqardhjet e Milan-it nuk janë

Humbja ndaj Napoli-t ka lënë pasoja te Milan-i, si në aspektin e renditjes, ashtu edhe në analizën e performancës në fushë. Trajneri Masimiliano Alegri pranoi pas ndeshjes se skuadra mund të kishte tentuar të ndryshonte ritmin e lojës rreth minutës së 60-të, përpara se të pësonte golin që vendosi rezultatin.

Ky moment konsiderohet vendimtar për ecurinë e ndeshjes dhe, në një plan më të gjerë, për garën për titull. Diferenca prej 9 pikësh me Interin e bën shumë të vështirë rikuperimin në javët e mbetura të kampionatit.

Megjithatë, objektivi kryesor i Milan-it mbetet kualifikimi në Ligën e Kampioneve, një objektiv që duket i arritshëm në këtë fazë të sezonit.

Pavarësisht humbjes ndaj Napoli-t, kjo ishte disfata e parë e Milanit në një përballje direkte këtë sezon. Skuadra ka marrë rezultate pozitive ndaj rivalëve kryesorë, duke fituar dy derbet ndaj Inter-it.

Gjithashtu, Milani ka marrë një fitore dhe një barazim ndaj Romës, ndërsa ka barazuar 0-0 ndaj Juventus-it në ndeshjen e parë.

Megjithatë, pikët e humbura ndaj skuadrave të pjesës së poshtme të renditjes kanë ndikuar ndjeshëm në pozicionin aktual. Humbje si ato ndaj Cremonese në javën e parë dhe ndaj Parma-s kanë ulur ndjeshëm mundësitë për të qëndruar në garë për titullin. Këto rezultate konsiderohen më vendimtare se vetë humbja ndaj Napoli-t.

Në analizën e ndeshjes në “Maradona”, vëmendje ka marrë edhe menaxhimi i lojtarëve në fazën sulmuese. Aktivizimi i vonë i Rafael Leao ka ngritur pikëpyetje, ndërsa Pulisicc vazhdon të mos gjejë rrugën e rrjetës në vitin 2026. Nga ana tjetër, Fulkrug ka kontribuar më shumë në fazën mbrojtëse, ndërsa Santiago Gimenez, i aktivizuar më vonë, arriti të jetë më i pranishëm në zonën kundërshtare.

Një tjetër element i diskutuar është edhe qasja taktike e skuadrës. Mundësia për të luajtur me tre sulmues në momente të caktuara të ndeshjes shihet si një alternativë që mund të ishte përdorur, sidomos duke pasur në dispozicion mesfushorë me dinamizëm si Rabiot dhe Fofana, si dhe një organizator loje si Modric.

Ndeshja ndaj Napolit tregoi një diferencë në formë mes dy skuadrave, ndërsa Napoli konfirmoi momentin pozitiv. Në të njëjtën kohë, trajneri Antonio Conte mbetet një nga rivalët kryesorë në garën për titull, duke ushtruar presion mbi kryesuesit e kampionatit në fazën përfundimtare të sezonit.